ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
لە بەغداد شاندێکی تەڤگەری ئازادیی سەردانی حزب الوطني عراقي کرد، بۆ تاوتوێکردنی پەیوەندی هەردوولا و بارودۆخی سیاسی و کۆمەڵایەتی.
شاندی تەڤگەری ئازادیی کە پێکهاتبوون لە هاوسەرۆک تارا حسێن و سەلام عەبدوڵڵا، هەروەها ڕوناک مەجید ئەندامی دیوانی کۆنگرە و حسێن کەرکوکی بەرپرسی تەڤگەری ئازادیی لە بەغداد، شاندەکە لەلایەن سەرۆکی حزب الوطني عراقي د.محەمەد شاکر شمری و ئەندامی مەکتەب سیاسی د.سەڵاح ئەلبوشی پێشوازییەکی گەرمیان لێکرا و خۆشحاڵبوون بە کردنەوەی بارەگا لە بەغداد و جەختیان کردەوە لە بەردەوامی پەیوەندیی هەردوولا و سەردانکردنیان.
لە سەردانەکەدا تاوتوێی ڕەوشی سیاسی عێراق و هەرێمی کوردستان کرا، هەردولا جەختیان لەوەکردەوە ئەم بارودۆخەی ئێستای عێراق و هەرێمی کوردستان دەگوزەرێت پێویستە بەشێوەیەکی دیموکراتیانە و هێزە ئۆپۆزسیۆنەکان لە چوارچێوەی پرۆژەیەکی نیشتمانیی کۆببنەوە و دوور لەبەرژەوەندی تەسکی حیزبی و شەخسی، تەنها ڕێگە چارەیەکە کە عێراق و هەرێمی کوردستان لەم گێژاوە ڕزگار دەکات. بەتایبەتی هەوڵبدرێت دەستی دەرەکی لە کاروباری عێراق و هەرێمی کوردستان سنوورێکی بۆ دیاری بکرێت، چوونکە یەکێک لەهەرە کێشە گەورەکان.
لای خۆشیانەوە جەختیان کردەوە لە بەردەوامی پەیوەندییەکانی هەردولا و لە ئایندەدا کاری هاوبەش بکەن پێکەوە.
