بۆ شەرمەزارکردنی پیلانگێڕی ١٥ی شوبات گردبوونەوەیەک بەڕێوەچوو

دژی پیلانگێری نێودەوڵەتی ١٥ی شوبات، لەشارۆچکەی کفری گردبونەوەیەکە  بەڕێوەچوو، تیایدا داوای ئازادیی ڕێبەر ئاپۆیان و بانگەوازییشیان گەل بەردەوام بێت لەچالاکیی.

ئێوارەی ئەمڕۆ دووشەممە ١٣/٢/٢٠٢٣ لەشارۆچکەی کفری سەربە ئیدارەی گەرمیان، تەڤگەری ئازادیی کۆمەڵگەی کوردستان هەرێمی گەرمیان و گەنجانی وڵاتپارێز، دژ بە گۆشەگیریی نێودەوڵەتیی ١٥ی شوبات کە دژی ڕێبەری گەلی کورد عەبدوڵا ئۆجەلان بەڕێوەچوو بوو گردبوونەوەیەکیان بەڕێوەبرد.

شەیما عەدنان، بەیاننامەی گردبونەوەکەی خویندەوە تیادا هاتبوو: ٢٤ ساڵە ڕێبەری گەلان (عەبدوڵا ئۆجەلان) لەژووری تاکەکەسیادایە لەدوورگەی ئیمڕالی، تا ئێستا بچووکترین سازشی لەمافی گەلەکەی نەکردووە بۆ ئازادیی فیزیکی خۆی.

جەخت لەوەشکراوەتەوە: لەگەڵ ئەوەشدا زیاتر لە ٢٢ مانگ تێپەڕدەبێت کە گۆشەگیرییەکی توندی لەسەر بەڕێوەدەچێت و هیچ لێدوان و پەیامێکی ناگات بە گەلی کورد، ڕێگە بەخانەوادە و پارێزەرانی نادرێت سەردانی بکەن.

هاوکات بەشداربوانی گردبونەوەکە بە ئامانجی ئازادیی ڕێبەری گەلی کورد، داوایان لە خەڵکی نیشتیمانپەروەر کرد دەست بەچالاکی جۆراوجۆربکەن.

هەروەها چێکی بکە

بارێنا پەرلەمانتاری ئەوروپا: عەبدوڵا ئۆجالان لەسەر ئاستی نێونەتەوەیی مەرجەعێکی سیاسیە

ئەندامی پەرلەمانی ئەوروپا پیرناندۆ بارێنا باسی لەوەکرد، کە عەبدوڵا ئۆجالان لەسەر ئاستی نێونەتەوەیی مەرجەعێکی سیاسیە …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *