ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
هێزه‌كانی رزگاریی عه‌فرین به راگه‌یه‌نراوێكی باسی له‌وه‌كردووه‌ن كه له ٣ی گوڵاندا له هه‌رێمه‌كانی شه‌را، باب و عه‌زاز له دژی سوپای توركی داگیركه‌ر چالاكییان كردووه.
به‌پێی راگه‌یه‌نراوه‌كه له گوندی عه‌ناپكێی ناوچه‌ی شه‌را له باره‌گایه‌كی سوپای توركی داگیركه‌ریان داوه. له ئه‌نجامدا ٣ سه‌ربازی تورك كوژراون.
له هه‌رێمی بابیش له ئه‌نجامی چالاكی نیشانشكێنیدا چه‌ته‌یه‌ك كوژراوه.
له درێژه‌ی راگه‌یه‌نراوه‌كه‌دا هاتووه، “له هێڵی عه‌زاز له ئه‌نجامی چالاكیه‌كدا سه‌ربازێكی سوپای تورك كوژراوه، چوار سه‌ربازیش برینداربوون”.
هێزه‌كانی رزگاری عه‌فرین راشیگه‌یاندووه، كه له ئه‌نجامی چالاكییه‌كاندا چوار سه‌ربازی توركی داگیركه‌ر كه یه‌كیان ئه‌فسه‌ر بووه و چه‌ته‌یه‌ك كوژراون، چوار سه‌ربازی توركیش برینداربوون.
