پەدەکە و تورکیا و پیلانی دوای نەورۆزی سەرکەوتن

 ئاراس ئیبراهیم
گروتینی نەورۆزی ئەمساڵ کە جیاواز لە ساڵانی ڕابردوو بەو شێوازە بەرفراوانە لە باکوری کوردستان و قەندیل و ڕۆژئاوای کوردستان کە تێکڕا بە نزیکی سێ لەسەر چواری کوردان پشتیوانی هەڵمەتی کاتی ئازادییەیان کرد و زەنگی ئاگادارکردنەوەیاندا بە گوێی دوژمن و داگیرکەراندا و پێیان وتن کورد بەرخۆدان دەکات، تێکۆشان دەکات، نەورۆز دەکاتە بناغەی سەرکەوتنەکانی بۆ شکاندنی لوتی زوحاکەکان. بێ گومان دەوڵەتی داگیرکەری تورک و بە دیاریکراوی ئەردۆغان و ئاکەپە_مەهەپە ئەمەیان پێ هەزم ناکرێت چونکە ئاشتی و پێکەوەژیانی گەلان لە بەرنامەی ئەواندا بەهیچ شێوەیەک بونی نییە، بۆیە هەرزوو پێش دەستپێکی جەژنی نەورۆز دەستیان بە داڕشتنی پیلانێک کرد هاوشێوەی پیلانە شکستخواردووەکانی تریان بۆ لەناوبردنی پەکەکە و لەناوبردنی قەوارەی هەرێم هەرچەندە بۆ هەندێک کەس و لایەن هەزم ناکرێت بەڵام حاشا هەڵنەگرە و دەبێت بە ویژدان بین چونکە ئەگەر پەکەکە نەبوایە دەمێک بوو تورکیا باشوری داگیرکردبوو، وە ئەگەر پەکەکەش نەبوایە تەنانەت سڵاویشی لە پارتی دیموکراتی کوردستان پەدەکە و بنەماڵەی بارزانی نەدەکرد. بە پێی زانیارییەکان لە هەریەک لە کۆبونەوەی میونش کە خولوسی ئاکارلەگەڵ مەسرور بارزانی کوڕە گەورەی سەرۆکی پەدەکە و نێچیرڤان ئیدریس بارزانی برازای و فوادحسێن ئەنجامیدا وفەرمانەکەی ئەردۆغانیان بەو سێ کەسەدانارد بۆ سەرۆکی پەدەکە، هەربەپێی زانیارییەکان کە سەرچاوەکانیان پارێزراوە دوای چەند ڕۆژێکی کەم و گەڕانەوەیان لە ئەڵمانیا نێچیرڤان بارزانی سەردانی تورکیای کرد و لەگەڵ وەزیری ناوخۆی تورکیا و ئەردۆغان و هاکان فیدانی سەرۆکی دەزگای هەوالگری کۆبونەوەیەکی نهێنی و دوور لەچاوی ڕاگەیاندن ئەنجامدرا ئەردۆغان و ئاکەپە باش دەزانن هەرچەندە تەکنیک و فڕۆکەی جەنگی بەکاربهێنن ناتوانن ئیرادەی پۆڵاینی گەریلا تێک بشکێنن و بەردەوام لەدووای شکاندنی پڕۆسەی ئاشتی لەلایەن تورکیاوە، هەمیشە بانگەوازی ئەوەیان دەکرد کە ٣٠٠ بۆ ٤٠٠ گەریلا ماون و لەناویان دەبەن بەڵام ئەوانە جگە لە پڕوپاگەندە و بەلاڕێدابردنی ڕایگشتی و ناوخۆی تورکیا هیچی تر نەبوون، لالایەکی تریشەوە ئاکەپە و ئەردۆغان دەزانن ئەگەر پارتی دیمەوکراتی کوردستان بە ڕەسمی هاوکار و پشتیوانیان نەبێت ناتوانن هیچ ئەنجامێک بەدەست بهێنن چونکە لە هێرشی سەر زاپ و ئاڤاشین و مەتینادا هەرچەندە تەواوی تەکنیکی پێشکەوتی سەربازی و فڕۆکەی جەنگی و سەگ و چەکی کیمیایی و تەنانەت پارتی دیموکراتی کوردستان بە و میدیاکانی پەدەکەشی بەکارهێنا بەڵام نەیتوانی سەرکەوتن بەدەست بهێنێت و گەریلای سەردەم بەسەر تەواوی تەکنیک و پیلانەکاندا سەرکەوت بۆیە تورکیا دەیەوێت لەم پیلانەدا پارتی دیموکراتی کوردستان پەدەکە بە ئەرکی خۆی هەستێت و ڕێگرییەکانی گەل و لایەنە سیاسییەکانی باشور هاوشێوەی ساڵی ڕابردوو نەبنە بەربەست لە کۆبونەوەی ئەنتالیادا نێچیرڤان بارزانی و ئەردۆغان ڕێکەوتن لەسەر ئەوەی کە هێڕش بکەنە سەر گەریلاکانی ئازادی و باشوری کوردستان، کە پێدەچێت ئەمجارە پیلانەکە بەجۆرێکبێت لەباکورەوە تورکیا و لە چەمچۆ و پەدەکەش لەگارەوە گەمارۆی گەریلاکانی ئازادی بدەن و پێدەچێت دەستپێکردنی پیلانەکانیش لەسەرەتای مانگی نیسانی ئەمساڵەوەبێت و پەدەکەش ڕاستەوخۆ دووای گەڕانەوەی نێچیرڤان بارزانی لە تورکیا هێزی بۆ ئەو ناوچانە جوڵاندووە. هەموو ئەمانەش پێمان دەڵێت کە دەوڵەتی داگیرکەری تورکیا دەیەوێت باشوری کوردستان بکاتەگۆڕەپانی جەنگ و داگیرکاری زیاتری تێدا ئەنجامبدات و بۆ ئەومەبەستەش پارتی دیموکراتی کوردستان پەدەکەی ئەرکدار کردووە وپەدەکەش وەک هەمیشە شەڕی بەوەکالەت دەکات، ئەوەی دەمێنێتەوە ئەوەیە، ئایا گەل و ڕۆشنبیران و لایەنە سیاسییەکان دەچنە بەرەی خیانەت یاخود وەک پار ساڵ هەڵوێستی نەتەوەیی خۆیان نیشان دەدەن؟ هەرچەندە هەموان و خودی ئەردۆغان و ئاکەپەش باش دەزان کە ئەمە پەلەقاژێی مەرگە و ناتوانن ئیرادەی گەل و گەریلا تێکبشکێنن بەڵام بۆ گۆڕینی ڕۆژەڤی سەرکەوتنی نەورۆزی ئازادی هەموو شتێک دەکەن و بێگومان پەدەکەش هاوڕێی نیوەڕێی نابێت و ڕەنگە ئەمجارە پریشکی ئاگرەکە سەری ڕەشیش داخ بکات.

هەروەها چێکی بکە

ئەوچیرۆکانەی دەبێت بزانرێن

محمد امین پێنجوێنی   پەروەردە بەردی بناغەی بەڕێکخستنکردن و بەرخۆدانە! بەشداریمان لە کۆنگرەی سێی تەڤگەری ئازادیدا، …

وەڵامێک بنووسە

پۆستی ئەلکترۆنیکەت بڵاو ناکرێتەوە .