ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
ئێوارەی دوێنێ لە گەڕەکی دەروازەی شاری کەرکوکی باشوری کوردستان، دەیان هاووڵاتیی شارەکە دەستیان بە مانگرتن کرد بۆ شەرمەزارکردنی پلانگێڕیی نێونەتەوەیی ١٥ی شوبات، کە لەو پیلانگێڕییەدا بە گەلەکۆمەیەکی نێونەتەوەیی عەبدوڵا ئۆجالان ڕێبەری گەلی کورد دەستگیرکرا و ڕفێندرا بۆ تورکیا.
سەبارەت بە بەردەوامی پیلانگێرییەکانی دوژمن دژ بە گەلی کورد و بزوتنەوەی ئازادی خوازەکەی، عومەر حاجی حوسێن، ووتی: “ئەوە هێرشەی سەر گرتووخانەی گوێران لە پارێزگای حەسەکە لە ماوەی ڕابردوو ڕوویدا، بەشێک بوو لە پلانگێری دژ بەگەلەکەمان لە رۆژئاوای کوردستان، بەڵام بەئیرادەی ئازادی هێڵی (ئاپۆچێتی) ئەو پلانگێرییە تێکشکا، جێگای رێزە کە هەموو کوردان و کەسانی ئازادیخواز خاوەنداری لە ئازادی ڕێبەر ئۆجالان دەکەن.”
سەبارەت بە چالاکی مانگرتنەکە، ناوبراو ووتی: “ئەمرۆ ئێمە لە شاری کەرکوک وەکو خەڵکی ئازادیخواز، لە چالاکییەکی مانگرتندا ئەو پلانگێرییە نێونەتەوەییە ئیدانە و شەرمەزار دەکەین، داواش لە خەڵكی ئازادیخواز دەکەین بە مانگرتن و واژۆکردن و پشتیوانیکردن لە کەمپینی (ئازادی ئۆجالان) و هەموو چۆر چالاکییەکی دیکە خاوەنداری بکەن لە سەرکردەی ئازادی گەلان، ئەم رۆژە بۆ خەڵکی ئازادیخواز ڕۆژێکی ڕەشە و دووبارە ئەو پلانگێرییە نێونەتەوەییە ئیدانە و شەرمەزار دەکەین.”
دوای پێشکەشکردنی ووتارەکە لەلایەن عومەر حاجی حوسێن، کتێبی ( نهێنیەکانی پلانگێری نیودەوڵەتی ١٥ی شوباتی ١٩٩٩ ) و کتێبی( مرۆڤێک لە ئیراد مرۆڤێک لە گڕکان) بەسەر ئامادەبوواندا دابەش کرا، پاشان بە ووتنەوەی دروشمەکانی (بژی سەرۆک ئاپۆ، بژی بەرخۆدانی ئیمڕاڵی و بێ سەرۆک ژیان نابێت) کۆتایی بە چالاکیی مانگرتنەکە هات.
ANF Images
