ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
شارەزایەکی بواری کەشناسی رایگەیاند:” ئەمڕۆ شەپۆلێکی باران چەند ناوچەیەکی گەرمیان دەگرێتەوە”
ئەو شارەزایە باسی لەوەش کردووە: بەهۆی کاریگەری ناوچەیەکی پەستان نزمی دەریای ناوەڕاست و هەوایەکی شێداری کەنداوی عەرەبی”،
سیروان ساڵح دەڵێت:” رێژەی بارانەکە لەوپەڕی سنورەکان باش دەبێت، بەڵام هەتاوەکو بەرەو ناوچەکانی بناری چیای داڵەهۆ و خۆرهەڵات بڕۆین ڕێژەی بارانەکە زیاتر و باشتر دەبێت، واتە ئەم شەپۆلە زیاتر ناوچه سنوریەکانی خۆرهەڵات دەگرێتەوە”.
بەپێی پێشبینیەکان:”لە ناوچەکانی تری گەرمیان ئەگەر هەیە بۆ ماوەیەکی کورتخایەن بڕێکی کەم باران ببارێت و هەندێ ناوچەش هەرناگرێتەوه، ڕێژەی بارانەکەش لە نێوان ( ١ تا ٥ ملمە )”.
لەلایەکی دیکەوە ئەمڕۆ پێنجشەممە، سادق عەتیە کەشناسی عێراقی لە فەیسبووکی خۆی بڵاویکردەوە، بەھۆی دابەزینی پەستانی ھەوا لە بەشی خۆرھەڵاتی وڵات و کۆبوونەوەی رێژەیەکی زۆری شێ، ئەگەری ھەیە لە شارەکانی سلێمانی و باکوری خۆرھەڵاتی ھەولێر و کەرکوک و بەغدا و دیالە و میسان وچەند ناوچەیەکی دیکەی وڵات باران ببارێت.
ئاماژەی بەوەشداوە، بەگوێرەی وێنەی مانگەدەستکردەکان بەردەوام ھەور بەئاراستەی خۆرھەڵات و باشوری خۆرھەڵاتی ئاسمانی عێراق دێن.
