کوردستان بووه‌ته‌ دۆزەخی گەنجان

ئه‌ندام په‌ڕله‌مانی كوردستان سەرچنار ئەحمەد ئاماژە بەوەدەکات: کوردستان بوه‌ته‌ دوبەی بەرپرسان و دۆزەخی گەنجان،دیاردەی کۆچی گەنجان زەنگێکی مەترسیدارە بۆ بەرپرسان.

ئەو ئەندام پەرلەمانە له‌ ئه‌كاونتی تایبه‌تی خۆی لە تۆری کۆمەڵایەتی فەیسبووک، وەها دەڵێت:

شێخ ڕەزا جوانی فەرمووە کەدەڵێت:

پێستی ڕووی هێندە قایمە شمشێری میسری نایبڕێ،

گەربەکەوشی کەی دەمێنێ تاقیامەت نادڕێ.

 ئەو ئەندام پەرلەمانەی کوردستان له‌ به‌شێكی تری نوسینه‌كیدا ئاماژە ‌بەوە دەکات و ده‌ڵێت: جێگەی داخە پاداشتی سی ساڵی حکومڕانی کوردی کۆچی بەلێشاوی گه‌نجان بێت بۆ دەرەوەی ووڵات!!!

ئه‌وه‌ش هاتوە لە نووسینەکەدا: هیچ گەنجێک كە ژیانێکی شایستەی بۆفەراهەم بێت لەوڵات و زێدی خۆی دوورناکەوێتەوە ،بەڵام کاتێک قۆرخکاری و بێکاری و برسی کردن دەبێتە سیاسەت ،ئەوکات گەنج ئینتیمای بۆ ووڵاتەکەی نامێنێ و ڕێگەی مان و نەمانی کۆچ هەڵدەبژێرێ.

ئاماژەی بەوەش داوە: دیاردەی کۆچی گەنجان زەنگێکی مەترسیدارە بۆ بەرپرسان،چونکە گەنجان سەرمایەی ووڵاتن و هەرکات ووڵات بێ سەرمایەبوو داهاتوویەکی تارێک چاوەڕێی دەکات .

ڕاشی ئەگەیەنێ: پێویستە هەرچی زووترە حکومەتی هەرێم کاری جددی لەسەرچارەسەری ئەم گرفتە مەترسیدارە بکات و لەوەبگات کە داهات و سامانی ووڵات هی هەموو خەڵکە نەک تەنها دەستەو تاقمێکی لێ سودمەندبێ و ئەوی تریشی بەناچاری ڕێی هەندەران بگرێتەبەر.

هەروەها چێکی بکە

داوای هەڵبژاردنی پێشوەخت دەکرێت

  لە ڕاگەیندراواێکدا هاوسەرۆکی پارتی دیموکراتی گەلان (هەدەپە) ڕایدەگەیەنێت و دەڵێت: کە پارتەکەیان ئامادەیە بۆ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *