ھەوڵی کوشتنی مستەفا کازمی درا

 ئەمشەو بە فڕۆکەی بۆمبڕێژکراو ھێرشکرایەسەر ئۆفیسی  مستەفا کازمی سەرۆک وەزیرانی عێراق
شانەی ئەمنی عێراقئەوەیان ڕاگەیاندووە، بە فڕۆکەی بۆمبڕێژکراو ئۆفیسی مستەفا کازمی سەرۆک وەزیرانی عێراق
و فەرماندەی گشتی ھێزە چەکدارەکان لە ناوچەی سەوزی بەغدای پایتەخت کرایە ئامانج.
شانە ئەمنیەکەباسی لەوەشکردووە، “ھەوڵی تیرۆرکردنی مستەفا کازمی دراوە و ناوبراو رزگاری بووە.”
ئەوەش هاتووە، ھێزە ئەمنییەکان بۆ دەستکەوتنی زانیاری لەبارەی ئەو ھەوڵەوە لێکۆڵینەوەکانیان دەستپێکردووە.
لە هەمان کاتدا، مستەفا کازمی لە تویتەر بڵاویکردەوە، “من باشم سوپاس بۆ خوا لەناو گەلەکەمدام و داوای ئارامی لە هەمووان دەکەم بۆ عێراق.”
سەرۆک وەزیرانی عێراق مستەفا کازمی ئەوەی خستۆتە ڕوو “من لە رابردوو و لە ئێستاشدا پرۆژەی قوربانی بووم بۆ عێراق و خەڵکەکەی، موشەکەکانی ناپاکی ساردمان ناکاتەوە.”
کازمی ، لەقسەکانیدا لەبارەی ھێرشەکانی بۆسەر ماڵەکەی رایگەیاند، “موشەکەکان و فڕۆکە بێفڕۆکەوانە ترسنۆکەکان نیشتمان و داھاتووی ئێمە دروستناکەن”.
ئەوەشی ڕاگەیاندووە “ئێمە کاردەکەین لەسەر دامەزراندنی نیشتیمانەکەمان لە رێگەی رێزگرتن لە دەوڵەت و دامەزراوەکانی  و دامەزراندنی داھاتوویەکی باشتر بۆ ھەموو عێراقییەکان”.
ھاوکات، داوای گفتوگۆی لەلایەنەکان کرد بە ئامانجی دروستکردنی عێراق و داھاتووەکەی.
وێنەی هێرشکردنە سەر شوێنی مانەوەکەی

 

هەروەها چێکی بکە

پارێزەر و سیناتۆرەکانی ئیسپانیا نامەیان بۆ سەرۆکی سی پی تی نارد

لە ئیسپانیا ٢٧ پارێزەر و سیناتۆر نامەیان بۆ سەرۆکی سی پی تی نارد و داوایان …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *