ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
تورکیا بە تۆپی ژەھراوی ھێرشی کردە سەر گوندی ھرورێ لە ناوچەی بەرواری باڵا و لە ئەنجامی ئەو ھێرشەدا سێ ھاوڵاتی مەدەنی بریندار بوون.
بە پێی سەرچاوەکان تۆپەکە بەر بێستانی حەجی عەبدووڵڵا ھروری کەوتووە و لە ئەنجامدا سێ ئەندامی خێزانەکە برینداربوون.
هەروەها ھەر سێ بریندارەکە لەھۆش خۆیان چوون و ڕشاونەتەوە و بەبێ ھۆشی ڕەوانەی نەخۆشخانەی کانی ماسێ کراون و دواتریش بەڕێکراون بۆ نەخۆشخانەی زاخۆ.
ھرورێ یەکەمین گوندی ناوچەی کانی ماسێ بوو کە لە ٢٣ی نیساندا تورکیا لە چوارچێوەی ئۆپەراسیۆنی چنگی-ھەورە بروسکەدا ھێرشی کردە سەر. بەڵام جیاواز لە گوندەکانی تر، بەشێکی زۆری دانیشتوانەکەی تائێستا لەگوندەکەدا ماونەتەوە و ڕەتیدەکەنەوە چۆڵیبکەن.
