به‌لاغی كۆتایی كۆبوونه‌وه‌ی ده‌سته‌ی به‌ڕێوه‌به‌رایه‌تی ته‌ڤگه‌ری ئازادی

له‌به‌رواری 29 \ 7\2021  ته‌ڤگه‌ری ئازادی كۆبوونه‌وه‌ی ئاسایی خۆی به‌ئاماده‌بوونی هاوسه‌رۆكانی گشتی و هاوسه‌رۆكی هه‌رێمه‌كان و زۆرینه‌ی ئه‌ندامانی ده‌سته‌ی به‌ڕێوه‌به‌رایه‌تی ئه‌نجامدا.
له‌كۆبوونه‌وه‌دا دۆخی سیاسی ناوچه‌كه‌و عێراق و كاریگه‌ریان له‌سه‌ركوردستان خوێندنه‌وه‌ی بۆكرا.
ئه‌و قۆناغه‌ هه‌ستیاره‌و مه‌ترسی گه‌وره‌ له‌سه‌ر گه‌لی كورد هه‌یه‌و كه‌مینه‌یه‌كیش له‌ كورد هه‌ست به‌و مه‌ترسیانه‌ ئه‌كه‌ن، به‌شێك  له‌حزب و ده‌سه‌ڵاتی كوردیش نه‌ك ئاماده‌كاریان نه‌كردووه‌ بۆ ڕووبه‌ڕووبوونه‌وه‌ی مه‌ترسیه‌كان به‌ڵكو بوون به‌به‌شێك له‌و مه‌ترسیانه‌و‌ئه‌جیندای داگیركه‌ران و هێزه‌ ده‌ره‌كییه‌كان به‌ڕێوه‌ده‌به‌ن.له‌هه‌ركاتێكداو به‌تایبه‌تی له‌دۆخێكی وه‌ك ئێستادا پارچه‌بوونی ناوهێزه‌كوردیه‌كان و قوڵبوونه‌وه‌ی ناكۆكی نێوان حزب ولایه‌نه‌كان ته‌نها داگیركه‌ران و نه‌یارانی كورد لێی سودمه‌ندن، ئه‌وه‌شی خزه‌تی داگیركه‌ران ده‌كات ومل ده‌دات بۆ پارچه‌بوون و ناكۆكی نێوان كوردان ته‌نها دڵی داگیركه‌ران ڕازی ده‌كات.
بۆ زامن كردنی دۆخی ئه‌منی و پێگه‌ی سیاسی و پاراستنی قه‌وه‌اره‌ی هه‌رێمی ‌كوردستان و ده‌ستكه‌وته‌كانی گه‌لی كورد پێویستی به‌خوێندنه‌وه‌ی‌ دۆخه‌ سیاسیه‌ جیهانی وناوچه‌ییه‌كه‌ هه‌یه و هه‌ڵوێستی نیشتیمانی و نه‌ته‌وه‌یی پێویسته‌.
   ناوچه‌كه‌ به‌گشتی و عێراق به‌تایبه‌تی له‌دۆخێكی ناجێگیردایه‌و ئه‌گه‌ری ئاڵۆزتربوونی دۆخه‌كه‌ چاوه‌ڕوانكراوه‌.
ئه‌گه‌ر دیقه‌تی ئه‌وه‌ بكه‌ین شه‌ڕی ئێستا به‌ڕێوه‌ده‌چێت شه‌ڕی هه‌ژموونگه‌رایه‌، له‌عێراق و هه‌رێمی كوردستانیش هه‌م امریكاو هه‌م اێران و توركیاش له‌هه‌وڵی فراونكردنی سه‌پاندنی هه‌یمه‌نه‌ی خۆیانن، له‌هه‌ناوی ئه‌وانه‌شدا حه‌ره‌كه‌تی ئازادی گه‌لی كورد هه‌یه‌و له‌ته‌واوی پیلانگێڕییه‌كان ده‌كرێته‌ ئامانج و ته‌واوی هێزی داگیركاری و هێزه‌كوردییه‌كانی عه‌لاقه‌دار به‌وان و امریكاش له‌نێویدا ئیراده‌ی ئازادی گه‌لی كورد وته‌ڤگه‌ری ئازادی كوردستان ده‌كه‌نه‌ ئامانج.
وه‌كو ناوچه‌ كێشه‌له‌سه‌ره‌كانیش جگه‌له‌وه‌ی له‌لایه‌ن چه‌ند هێزێكی نادیاره‌وه‌ سیاسه‌تی ترس وتۆقاندنیان له‌سه‌ر به‌رێوه‌ده‌به‌ن له‌لایه‌ن ده‌سه‌ڵاتی كوردیشه‌وه‌ فه‌رامۆش كراوه‌و خه‌ڵكی ناوچه‌كه‌ش له‌بێ پشتیوانیدا بێ هیوابوون وزه‌وی و ماڵه‌كانیان ده‌فرۆشن وناوچه‌كانی خۆیان چۆڵ ده‌كه‌ن، به‌تایبه‌تی له‌ناوچه‌كانی خانه‌قین.
  له‌لایه‌كی تریش شه‌ڕی داگیركاری ده‌وڵه‌تی توركیا له‌هه‌رێمی كوردستان به‌رده‌وامه‌و توركیاش نایشارێته‌وه‌ باس له‌داگیركاری هه‌رێمی كوردستان ئه‌كات، نه‌ك هیچ هه‌ڵوێستێكی حكومه‌تی هه‌رێمی كوردستانیش نییه‌، هێزه‌كانی پارتی دیموكراتی كوردستانیش كه‌زۆربه‌ی ده‌سه‌ڵاته‌كانی حكومه‌تی هه‌رێمی كوردستانی له‌ده‌سته‌ تادێت زیاتر ده‌بنه‌ هاوكاری ده‌وڵه‌تی توركیا، بۆئه‌وه‌ش ئێمه‌ وه‌ك ته‌ڤگه‌ری ئازادی ڕای گشتی و هه‌موو پارت ولایه‌نه‌كان وگه‌له‌كه‌شمان له‌وه‌ ئاگادارئه‌كه‌ینه‌وه‌ كه جوڵه‌ی ‌پارتی دیموكراتی كوردستان به‌ئاراسته‌ی دژی به‌رژه‌وه‌ندییه‌كانی گه‌لی كورده‌و ده‌بێت سیاسه‌تێكی به‌وره‌نگه‌ بوه‌ستێنرێت و شه‌رمه‌زار بكرێت، به‌رامبه‌ربه‌وه‌ش ئۆپراسیۆنی ده‌وڵه‌تی توركیا 85 ڕۆژی تێپه‌ڕاندو به‌رخۆدانی بێوێنه‌ی كچان وكوڕانی گریلاش نه‌یانهێشتووه‌ ده‌وڵه‌تی توركیا ئامانجه‌كانی به‌ده‌ست بخات. كه‌ئێمه‌ پێمان وایه‌ ئه‌ركی پاراستنی هه‌رێمی كوردستان و ده‌سته‌كه‌وته‌كانی گه‌لی كورد ته‌نها ئه‌ركی ئه‌و هێزه‌ نییه‌، به‌ڵكو ئه‌ركی ته‌واوی هیزو لایه‌نه‌كان وگه‌له‌كه‌مانه‌.
له‌كۆتاییدا
ئێمه‌ وه‌ك ته‌ڤگه‌ری ئازادی پێمان وایه‌ چاره‌سه‌ری دۆخی كورد له‌ئه‌نكه‌ره‌وتاران وبغداد و ته‌نانه‌ت له‌هیچ ووڵاتێكی ده‌ره‌كی نییه‌، به‌ڵكو چاره‌سه‌ری كێشه‌ی كورد له‌كوردستان خۆیدایه‌، بۆئه‌وه‌ش ده‌بێت هێزو لایه‌نه‌ كوردییه‌كان ئه‌و ڕاستییه‌ بزانن و هه‌نگاوی به‌په‌له‌ بنێنین بۆیه‌كێتی و یه‌كڕیزی كوردان، ئه‌وه‌ش مه‌حاڵ نییه‌و ته‌نها هه‌ڵوێستی ده‌وێت، ته‌واوی حزب و لایه‌نه‌كانیش ده‌بیت چاوه‌ڕوانی ته‌نها حزبه‌كانی ده‌سه‌ڵات نه‌كه‌ین، له‌ئه‌گه‌ری مل نه‌دانی حزبه‌كانی ده‌سه‌ڵات پێویسته‌ هێزی سێهه‌م درووستكه‌ین بۆ ڕێگری له‌هه‌رئه‌گه‌رێكی نه‌خوازراو، هه‌روه‌ها بانگ له‌ته‌واوی هێزو لایه‌نه‌ كوردستانییه‌كان ئه‌كه‌ین ببینه‌ هێزێكی فشار له‌سه‌ر بارزانی وسه‌رانی پارتی دیموكراتی كوردستان تاكونه‌بن به‌به‌شێك له‌شه‌ڕی داگیركاری ده‌وڵه‌تی توركیا دژب گه‌له‌كه‌مان.    
له‌ته‌وه‌رێكی تر دۆخی عێراق خێنرا.
   ئه‌وه‌ی به‌دی ئه‌كرێت عێراقی ئێستا به‌كازمی به‌ڕێوه‌ناچێت وتادێت دۆخی عێراق به‌ره‌و ناسه‌قامگیری ده‌چیت، به‌تایبه‌تی  له‌سه‌رده‌می كابینه‌كه‌ی كازمی ده‌ستێوه‌ردانه‌كانی هێزی ده‌ره‌كی بۆناوخۆی عێراق زیادی كردووه‌و به‌ئاشكراش ده‌وڵه‌تی توركیا له‌شكركێشی بۆناوخاكی هه‌رێمی كوردستان ئه‌كات، هێشتاش هه‌ڵوێستێكی فه‌رمی حكومه‌تی عێراق نییه‌، ئه‌وه‌ش جێگه‌ی گومانه‌، ئه‌و به‌ڵێنانه‌شی به‌هێزی نێوده‌وڵه‌تی و به‌تایبه‌تیش به‌ئه‌مریكای دابوو كاتێك بووبه‌سه‌رۆكی حكومه‌تی عێراق، كۆنترۆڵكردنی گرووپه‌ چه‌كداره‌كان بوو كه‌نه‌یتوانی بیباته‌ سه‌ر، به‌تایبه‌تی له‌و ماوه‌یه‌دا گرووپی چه‌كداری دزه‌یان كرد بۆ ناوچه‌كانی هه‌ولێر و له‌نزیك بنكه‌كانی توركیا چه‌ند هێرشێكیان ئه‌نجامدا،پێ ناچێت به‌ڵێنێكی تریشی كه‌به‌شه‌قامی عێراقی دابو بۆهه‌ڵبژاردنی پێش وه‌خته‌ به‌هۆی كشانه‌وه‌ی هه‌ندێ هێزی عیراق بتوانێت له‌كاتێ خۆیدا به‌ڕێوه‌بچێت. هۆكارێكی تریش عێراق له‌ژێربه‌ند و ڕێكه‌وتنێكی 7خاڵی امریكادایه‌، پێ ده‌چێت جارێكی تر امریكا فشارێكی تر له‌سه‌ر عێراق بكات و بیخاته‌ بن ڕێكه‌وتنێكی تر، كشانه‌وه‌ی گه‌وره‌ كۆمپانیاكانی به‌ریتانیاو امریكا له‌عێراق، چاره‌سه‌ر نه‌كردنی كێشه‌ كانی عێراق به‌تایبه‌تی له‌گه‌ڵ هه‌رێمی كوردستان ئه‌گه‌ری گؤڕانكارین له‌عێراق، ئه‌گه‌رچی زۆرێك له‌چاودێرانی سیاسی شیمانه‌ی ئه‌وه‌ ده‌كه‌ن به‌هه‌مانشێوه‌ی افغانستان امریكا له‌عێراقیش بكشێته‌وه‌، هه‌رچه‌نده‌ ئه‌وه‌ دووبابه‌تی جودایه‌و مه‌حاڵه‌ كشانه‌وه‌ له‌عێراق، به‌ڵام پێده‌چێت ئه‌و ئه‌گه‌رانه‌ ئاماده‌كاری بن بۆ گۆڕانكاری له‌عێراق.
ته‌وه‌رێكی تری كۆبوونه‌وه‌ له‌سه‌ر هه‌ڵبژاردنه‌كانی عێراق بوو.
ئێمه‌ وه‌ك ته‌ڤگه‌ری ئازادی، پێمان وایه‌ هه‌ڵبژاردن پرۆسه‌یه‌كی دیموكراتییه‌و مافی خه‌ڵكه‌ بۆهه‌ڵبژاردنی نوێنه‌رارنی خۆیان و نوێبوونه‌وه‌و گۆڕانكاری له‌نوێنه‌رانی خه‌ڵك، پێمان وایه‌ پێویسته‌ هه‌ڵبژاردن له‌كاتی خۆیدا ئه‌نجام بدرێت و دوور بێت له‌غه‌ش و ساخته‌كاری، هیوادارین دوای ‌ئه‌نجامی هه‌ڵبژاردن حكومه‌تێكی به‌هێز پێكبێت ونوێنه‌رایه‌تی ته‌واوی خه‌ڵكی عێراق بكات و ئه‌ركی بنیاتنانه‌وه‌و باشكردنی دۆخی عێراق بگرێته‌ ئه‌ستۆ، له‌هه‌مانكاتدا ئۆپزسیۆنێكی دیموكرات وچالاك وه‌ك ڕه‌خنه‌گری ده‌سه‌ڵات ده‌ركه‌وێته‌ پێش و چاودێرێكی ووردی حكومه‌ت بێت، چونكه‌ پرۆسه‌ی سیاسی و خزمه‌تكردن ته‌نها چوونه‌ حكومه‌ت نییه‌، به‌ڵكو نه‌بوونی ئۆپۆزسیۆن ده‌ستی حكومه‌ت و ده‌سه‌ڵات واڵاده‌كات بۆگه‌نده‌ڵی و نادادی. هه‌روه‌ها ده‌بێت به‌ڕۆحی ئاشتی وپێكه‌وه‌ژیان مامه‌له‌ له‌گه‌ڵ ناوچه‌ كێشه‌ له‌سه‌ره‌كان بكه‌ین و خاڵه‌كانی ده‌ستور تایبه‌ت به‌و ناوچانه‌ وه‌ك خۆی جێبه‌جێ بكرێت، نه‌ژادپه‌رستی و مه‌زهه‌بگه‌رای هاوسه‌نگی ناوچه‌كه‌ تێك نه‌دات.

    بۆ دۆخی ڕێكخستنیش
ئه‌گه‌رچی ئه‌و دۆخه‌ی ناوچه‌كه‌ هه‌ندێ كاریگه‌ری نه‌رێنی له‌سه‌ر ئێمه‌و ڕێكخسته‌نكانی ئێمه‌ش كردووه‌، له‌گه‌ڵ ئه‌وه‌شدا ئێمه‌ نه‌ك هیچمان له‌ده‌ست نه‌داوه‌ به‌ڵكو خه‌تی تێكۆشانی ئێمه‌یه‌ وه‌ك زه‌روره‌تێك و پێویستی و ڕێبازی چاره‌سه‌ری ده‌كه‌وێته‌ پێش و ئه‌وه‌ش واله‌گه‌له‌كه‌مان ده‌كات متمانه‌ی خۆیان بده‌نه‌ ئێمه‌و ئێمه‌ش زیاتر ئه‌ركدار ده‌كات بۆسوربوون له‌سه‌ر تێكۆشانمان، ئیترئاسته‌نگی بۆ كارو چالاكییه‌كانمان نابێته‌ وه‌ستانمان یان لادان له‌ڕێبازی تێكۆشانمان. سه‌ره‌ڕای ئه‌و هه‌موو ئاسته‌نگیانه‌ی بۆمان درووست ئه‌كرێت به‌رامبه‌ر به‌وه‌ش هه‌ڤاڵانمان به‌ئیراده‌یه‌كی به‌رزه‌وه‌ له‌تێكۆشاندان و له‌نوێبوونه‌وه‌ی ڕێكخستن و په‌روه‌رده‌و خۆبه‌ڕێكخستن پێشكه‌وتنی به‌رچاو هه‌یه‌، به‌رده‌وام خه‌ڵكی متمانه‌ی خۆیان ئه‌ده‌نه‌ ڕێكخستنی ته‌ڤگه‌ری ئازادی.
له‌كۆتایی كۆبوونه‌وه‌شدا پلاننامه‌ی داهاتووی ڕێكخستن دیاری كرا.

ته‌ڤگه‌ری ئازادیی كۆمه‌ڵگه‌ی كوردستان
ده‌سته‌ی به‌ڕێوه‌به‌رایه‌تی
02/08/2021

هەروەها چێکی بکە

دادگا بڕیاری کۆتایی لەبارەی دوو لە دەسگیرکراوان دەرکرد

  پارێزەری دەستبەسەرکراوانی بادینان ڕایگەیاند راگەیاند، کە لە ئێستادا سزای هەریەکە لە بەدەل بەرواری و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *