بەخاکسپاردنی ئەو خێزانە کوردەی لە کۆنیا کوژران

پاش نیوەڕۆی ڕۆژی شەممە تەرمی خێزانی دەدەئۆغڵو لە گۆڕستانی سەراجئۆغڵوی کۆنیا بە خاک سپێردران.

 

درەنگانێكی هەینی حەوت کەسی یەک خێزانی کورد، یاشار دەدەئۆغلۆ و ئیپەکی هاوسەری لەگەڵ دوو کوڕ و سێ کچیان بە دەستڕێژی گولەلە ماڵەکەی خۆیان لە ناوچەی مەرامی شاری کۆنیا کوژران.

 

کاربەدەستانی حکومەت و لایەنە سیاسییەکان بەشاری مەڕاسیمی بەخاکسپاردنەکەیان کرد لە ناویاندا، وەزیری دادی تورکیا، هاوسەرۆکی هەدەپە، ئەندامانی پەرلەمانی هەدەپە، شاندێکی جەهەپە و ئەندامانی پەرلەمانی ئاکەپەش.

 

 

خەڵکێکی زۆری سڤیلیش لە زۆربەی شارە کوردنشینەکانی تورکیاوە بەشداری ئەو مەڕاسیمی بەخاکسپاردنە بوون

هەندێک لە لایەنەکان و گروپەکانی مافەکانی مرۆڤ ئەم ڕووداوی کوشتنی ئەم خێزانە کوردە بە کردارێکی ڕەگەزپەرستی لە قەڵەم دەدەن بەڵام کاربەدەستانی حکومەت ڕەتی دەکەنەوەو دەڵێن بەردوام دەبن لە لێکۆڵینەوە کردن لەسەری.

 

ئەرۆل شان ئامۆزای یاشار دەدەئۆغلو بە ڕایگەیاندووە: سەۆرکی تورکیا ڕەجەب تەیب ئەردۆغان پەیوەندی تەلەفۆنی لەگەڵدا کردووە و هاوخەمی خۆی دەربڕیوە ئەو گوتی ئەردۆغان پێی گوتووە ” ئەوان تەنها کەسی ئێوە نەبوون کەسی هەمومانن بکوژەکەیان دەسگیر دەکرێت و دەرێتە دادگا.”

 

پارتی دیموکراتی گەلان هەدەپە لەسەر کوشتنی ئەو خێزانە کۆبونەوەیەکی ڕێکخست.

 

هاوسەرۆکی هەدەپە میتات سانجار پاش کۆبونەوەکە لێدوانێکی دا و گوتی زمانی ڕەق و ڕەگەزپەرستانەی دەسەڵات بەرپرسە لەم کوشتنکارییە.

 

سانجار ڕەخنەی لە پارتە ئۆپزسیۆنەکانێش گرت و گوتی ” تەنها پەیامی سەرەخۆشی کردن بەس نییە، بۆ پوچەڵکردنەوەی ئەم پلانە پێویستە هەمو هێزە دیموکراسی خوازەکان و ئۆپزسیۆن بە هەڵوێستێکی ڕوونەوە لەگەڵماندا بن.”

 

وەزیری ناوخۆی تورکیا سولەیمان سۆیلوش گوتی ” ئەم ڕووداوە هیچ پەیوەندییەکی بە بابەتی کورد و تورکەوە نییە، 11 ساڵ زیاترە کێشەو ناکۆکی لە نێوان ئەو دوو خێزانەدا هەیە، ئەوانیە کە بەکێشەی ئیتنیکییەوە گرێی دەدەن مەبەستیان هان دان و وروژاندنە و هەوڵدانە بۆ دابەشکردنی یەکپارچەیی وڵات.”

 

لە شاری وانیش لەسەر کوژرانی ئەو حەوت کوردە، خۆپیشاندان ئەنجامدرا. لە میانەی ئەو خۆپیشاندانەدا گرژی و ئاڵۆزی لە نێوان خۆپیشاندەران و پۆلیس دروست بوو و پۆلیس زۆر بە توندی هێرشی کردەر سەر چالاکوانە خۆپیشاندەرەکان. وبە گوێرەی پەیامنێری بەشی کوردی دەنگی عارف ئەسڵان لە وان، چەند کەس بریندار بوون و ژمارەیەک خۆپیشاندەریش دەستگیر کراون.

هەروەها چێکی بکە

دخازین پێدڤییە ل نێزیکترین دەم ئەڤ رودانەبێن چارەسە رکرن

هە ڤخە مین دگەل هەوه ب مخابنیڤە جارەکادی ژبەر ئە گەرێ پەقینا سیستەمێ گازێ ل …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *