ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
هامیار رەشید – گەرمیان
شەیما عەدنان بە ماڵپەڕی تەڤگەری راگەیاند، بۆ ژنانی کرێکار بێگومان فیکر و فەلسەفەی ڕێبەڕی گەلان عەبدوڵا ئۆجالان باشتریین خاڵی پاراستن و چارەسەرییە، چونکە دەبێتە قۆناغی دەربازبوون لە سیستمی سەرمایەداریی جیهانیی
شەیما عەدنان هاوسەرۆکی هەرێمی گەرمیانی تەڤگەری ئازادیی کۆمەڵگەی کوردستان بە ماڵپەڕی تەڤگەری راگەیاند: ژنانی کرێکار لە باشوری کوردستاندا رۆژانە ژمارەیان ڕوو لەزیاد بوونە، بەهۆکاری ئەو بارودۆخە سیاسیی و ئابوریی و کۆمەڵایەتییەی کە دەکرێ بەخراپتریین بارودۆخ پێناسەی بکەین.
ئاماژەی بەوەشکرد، ئەگەر چاوێک بەمێژوودا بگێڕینەوە، ئەوەمان بۆ دەردەکەوێت کە ژنانی ڕەنجدەر و کرێکار، پێشەنگایەتیی شۆڕشێکی فیکریی و ئابوریی سیاسییان کردوە. ژنانی چەوساوەو بن دەست لە کۆیلایەتییەوە لەناو چینی بندەستدا شۆڕشیان لەدژی سیستمی سەرمایەداریی جیهانیی بەرپاکردووە کە چینی سەردەست و بندەست پێش دەخات، بێگومان ژیان و خۆشگوزەرانی بۆ چینی باڵا دەست و کرێکاریی و هەژارییش بۆ چینە بندەستەکەیە.
هاوسەرۆکی هەرێمی گەرمیانی تەڤگەری ئازادیی باسی لەوەشکرد، بۆ پاراستنی ژنانی کرێکار و ڕەنجدەر، بۆ ژنانی کرێکار بێگومان فیکر و فەلسەفەی کۆنفیدرالیزمی دیموکراتیی ڕێبەڕی گەلان عەبدوڵا ئۆجالان باشتریین خاڵی پاراستن و چارەسەرییە، چونکە دەبێتە قۆناغی دەربازبوون لە سیستمی سەرمایەداریی جیهانیی، هەروەها دەبێتە دەربازبوون لەو ئەقڵیەتەی کە چینایەتیی پێش خستووە. ئاماژەی بەوەشکرد کە ئەمەش بە تێگەیشتن و پراکتیزەکردنی سیستمی خۆبەڕێوەبەریی گەل دەبێت، چونکە ژنان لەناو سیستمی خۆبەڕێوەبەرییدا جەوهەریی خۆیان دەدۆزنەوە و مافەکانیان دەستەبەر دەکەن و ئەرکەکانیشیان جێبەجێ دەکەن.
