پارلمانتارێکی عێراق: دەوڵەتی داگیركەری تورك لە هەرێمی كوردستان پلانی هانتە ناوەوەی زیاتریان هەیە

مەهدی تەقیی، ئەندامی لیژنەی ئاسایش و بەرگریی پارلمانی عێراق ڕایگەیاند، هێزەكانی دەوڵەتی داگیركەری تورك لە هەرێمی كوردستان پلانی هانتە ناوەوەی زیاتریان هەیە، ئەمەش هەڕەشەیەكە بۆ سەر ئاساییش و سەقامگیریی عێراق، دەبێت ئەم داگیركارییەی خاكی عێراق بووەستێنرێت.

ئەوەشی خستەڕوو، پێویستە حكومەتی عێراق بە هەموو شێوەیەك دژی ئەم كارانەی توركیا بوەستێت، بەخێرایی هەنگا و بۆ ڕێگرتن لەم داگیركارییە بنێت، كە دەوڵەتی تورك هەر ڕۆژە و بنكەیەكی سەربازیی لە خاكی هەرێم و عێراقدا دادەمەزرێنێت، هەروەها دەبێت كار بۆ دوورخستنەوەی هێزەكانی توركیا لە سەرجەم ناوچەكان بكرێت، چونكە بە هێزی داگیركەر دادەنرێن و دەبێت دەربكرێت.

هێمای بۆ ئەوەشکرد، حكومەتی عێراق توانای ئەوەی هەیە كۆتایی بە بوونی توركیا بهێنێت لە خاكەكەی،  چونكە ئەمانە هێزی داگیركەرن و بەبێ ئاگاداری و ڕەزامەندی بەغداد و وەزارەتیی دەرەوەی عێراق بوونیان هەیە، دەبێت بەرەو كۆمەڵگەی نێودەوڵەتی هەنگاو بنێن بۆ كۆتاییهێنان بەم نایاساییە، كە بووەتە مەترسیی لەسەر ئاساییش و سەقامگیریی عێراق.

هەروەها چێکی بکە

هاوسەرۆکانی گشتیی تەڤگەری ئازادیی و دەیان هەڤاڵ دەستگیرکران

کەمێک پێش لەلایەن هێزە ئەمنییەکانی شاری سلێمانییەوە، هاوسەرۆکانی گشتیی تەڤگەری ئازادیی و دەیان هەڤاڵ دەستگیرکران. …