تەڤگەری ئازادیی راگەیاندراوێکی لە بارەی کردەوە تیرۆریستییەکەی کەرکوکەوە بڵاوکردەوە

شەرمەزاریی بۆ تیرۆریستان

جارێکی تر تیرۆری کەسایەتییەکی ئازادییخواز و چالاکوان و تێکۆشەرێکی بزوتنەوی ئازادیی ژنان لەکەرکوکی دێرین، بەدەستی تیرۆریستە فایشستەکان شەھید کرا.

ئێوارەی رۆژی پێنجشەممە ١/١٨ لەگەڕەکی سەرچناری شاری کەرکوک، لەلایەن دوو تیرۆریستەوە “فریال سلێمان خالد” کە چالاکوانێکی سیاسیی خەڵکی رۆژئاوای کوردستانە و بۆ دروستکردنی پەیوەندی لەگەڵ رێکخراوەکانی ژنان سەردانی باشووری کوردستانی کردبوو، دەرێتە بەر دەستڕێژی گولە و شەھید دەکرێت، لەکاتێکدا ئەو کردەوە ترسنۆکانە و تیرۆریستانەیە بەتوندی مەحکوم دەکەین، داوا دەکەین دەزگا ئەمنییەکانی کەرکوک بکوژان بدۆزنەوە و بەسزای یاساییان بگەیەنن. دیارە داعش و فایشستەکانی تورکیا لە کەرکوک بۆ تیرۆرکردنی کوردان رێککەوتوون، چەند رۆژێک پێش ئێستا پۆلیسێکی کورد لەناو شاری کەرکوک لەلایەن داعشەوە تیرۆرکرا، دوژمنان بۆ قەرەبووی شکستەکانیان دەستیان داوەتە تیرۆر و شەڕ فرۆشستن بەخەڵکی مەدەنیی و بۆمبارانی شار و شارۆچکەکانی کوردستان.

ئێمە لە تەڤگەری ئازادیی کۆمەڵگەی کوردستان  وێرای شەرمەزارکردنی ئەو کردەوە تیرۆرستیە ترسنۆکانەیە داوا لەژنان و ئازادیخوازانی کەرکوک و  تەواوی کوردستان دەکەین خاوەن ھەڵوێستبن و خاوەنداری لە خوێنی  ئەو مرۆڤە ئازادو تێکۆشەرانەبکەن ، لەھەمان کاتدا  پۆلیس و ھێزە ئەمنییەکان لە کەرکوک  بەرپرسن لە دۆزینەوەو ئاشکراکردنی تیرۆرستان و بەسزاگەیاندنیان، تیرۆری مامۆستا شەماڵ لە کفری و ناگھان لە سلێمانی و چەندانی دیکە نابێت ھەروا تێپەرێت،  ژن ژیان ئازادیی دەبێت لە کەرکوک و تەواوی کوردستان  ببێتە دورشمی ئازادیی  ژنانی ستەملێکراو.

نەمریی بۆ شەھیدان

رووڕەشی بۆ تیرۆر و تیرۆریستان

دەستەی بەڕێوبەریی تەڤگەری ئازادیی کۆمەڵگەی کوردستان

٢٠٢٤/١/١٩

هەروەها چێکی بکە

دارئەلمەهروسای میسر کتیبێکی نوێی بەناوی “عەبدوڵا ئۆجالان، تێکۆشانێک کە لە دژی بەربەستەکان، ڕۆشنبیری خوڵقاندو دیوارەکانی تێپەڕاند”بڵاوکردەوە

دار ئەلمەهروسای میسری، کتێبێکی نوێی لەسەر تێکۆشان و فەلسەفەی عەبدوڵا ئۆ-جا-لان بەناونیشانی “عەبدوڵا ئۆ-جا-لان، تێکۆشانێک …