ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
لە چوارچێوەی کەمپینی”ئازادیی بۆ عەبدوڵا ئۆجالان و چارەسەری سیاسیی بۆ پرسی کورد” لە شاری لەندەن بە سەرپەرشتیی تەجەشە و ژنانی گەنجی تێکۆشەر (تەکۆژن) رێپێوانێک بەڕێوەچوو.
ئەندامانی گەنجانی تەجەشە و ژنانی گەنجی تێکۆشەر کە لە پایتەختی ئینگلتەرا لە لەندەن کۆبوونەتەوە، بۆ ئازادیی جەستەیی رێبەری گەلی کورد عەبدوڵا ئۆجالان رێپێوانیکیان ئەنجامدا.
لە خۆپیشاندانەکەدا پەیامێک خوێندرایەوە تیادا هاتبوو: رێبەر ئاپۆ، بەهۆی پیلانگێڕییەکی نێونەتەوەیی ٢٤ ساڵە لە دوورگەی ئیمرالی لە ژێر ئەشکەنجە و گۆشەگیرییەکی تونددا تێکۆشانێکی بێوێنە دەکات.
ئاماژەی بەوەشکرا: دامەزراوەیەکانی وەک سی پی تی، ئەنجوومەنی ئەوروپا و یەکێتیی نێونەتەوەیی لە بەرامبەر ئەو ئەشکەنجانەی کە لەسەر ڕیبەر ئاپۆ هەیە هیچ کاردانەوەیەکیان نییە، ئەمەش زەمینە بۆ گەشەی فاشیزمی دەوڵەتی تورک خۆش دەکات.
ئەوەش خرایەڕوو: ئێمەش وەک تەڤگەری گەنجانی شۆڕشگێڕ لە ئەوروپا (تەجەشە) و ژنانی گەنجی تێکۆشەرلە چوارچێوەی ئەو هەنگاوەی ١٠ی تیشرینی یەکەم کە لە ٧٤ ناوەندی جیاواز بۆ ئازادیی جەستەیی ڕێبەر ئاپۆ دەستپێکراوە، هەمیشە لە گۆڕەپانەکان دەبین.
