شاندی کەنەکە لەگەڵ تەڤگەری ئازادیی کۆبوونەوە

شاندی کەنەکە لە سلێمانی لەگەڵ تەڤگەری ئازادی کۆبوونەوە و جەختیان لەسەر دروستکردنی کۆدەنگی نێوان لایەنەکان و ڕووبەڕوو بوونەوەی داگیرکاریی کردەوە.
لەچوارچێوەی سەردانەکانیان بۆ لای حزبە سیاسییەکانی باشووری کوردستان، پێشنیوەڕۆی ئەمڕۆ شاندی کۆنگرەی نەتەوەیی کوردستان – کەنەکە، سەردانی تەڤگەری ئازادیی کۆمەڵگەی کوردستانی کرد لە شاری سلێمانی و پێکەوە کۆبوونەوە.
شاندەکەی کەنەکە پێکهاتبوون لە زەینەب موراد هاوسەرۆکی کەنەکە، زەینەب مستەفا و شۆڕش خدر و چەند کەسێکی دیکە و لەلایەن محەمەد عەبدوڵا، هاوسەرۆکی تەڤگەری ئازادیی و تارا حسێن، جێگری هاوسەرۆکانی تەڤگەر و ژمارەیەک لە ئەندامانی تەڤگەرەوە پێشوازییان لێکرا.
لە کۆبوونەوەکەدا تەڤگەر و کەنەکە گفتوگۆیان لە بارەی داگیرکارییەکانی دەوڵەتی تورک و هێرشەکانی ئێستای ئەو دەوڵەتە بۆ سەر باشوری کوردستان کرد.
زەینەب موراد، هاوسەرۆکی کەنەکە، دوای کۆبوونەوەکە قسەی بۆ ڕۆژنیوز کرد و ڕایگەیاند کە لە کۆبوونەوەکەیاندا، باسیان لە مەترسییەکانی داگیرکاریی و ئەو هێرش و هەڕەشانە کردووە کە ئێستا یەخەی گەلەکەمانی گرتووە لە لایەن دەوڵەتی تورکەوە، ئەم گفتوگۆ و کۆبوونەوەیەمان لەگەڵ تەڤگەری ئازادیی بە پێویستزانی، بۆ ئەوەی بە یەکگرتووی ڕووبەڕووی داگیرکاریی ببینەوە، چونکە ڕۆژ بەڕۆژ مەترسییەکان فراوانتر دەبن.
وتیشی: خواستی تورکیا ئەوەیە ناکۆکی بخاتە نێوان لایەنەکان و ئەوەی گەلەکەمان بەدەستی هێناوە لەناوی بەرن.

لەبەرامبەردا تارا حسێن، جێگری هاوسەرۆکی تەڤگەری ئازادی وتی: دەستخۆشیمان لەهەوڵەکانی کەنەکە کردووە و بۆ ئەو دیدارانەی لەگەڵ پارت و لایەنەکان دەیکەن بۆ ئەوەی کۆدەنگی دروستبکەن، ئاماژەی بۆ ئەوەش کرد کە وەک تەڤگەر پشتیوانیان بۆ هەوڵەکانی کەنەکە و دروستکردنی کۆدەنگی نێوان لایەناکان دووپاتکردوەتەوە.
هاوکات وتیشی: دەستدریژییەکانی دەوڵەتی تورک نەک ڕۆژ بەرۆژ بەڵکو کاتژمێر بە کاتژمێر زیاد دەبن، هەربۆیە ئەو پەلامارەی ئەمڕۆی دەوڵەتی تورک بۆسەر کامپی مەخمور ئیدانە دەکەن.

هەروەها چێکی بکە

خۆپیشاندانى خوێندکارانى زانکۆ و پەیمانگاکان دەستیپێکردەوە

ڕاپەڕین جارێکی دیکە خۆپیشاندانى خوێندکارانى زانکۆ و پەیمانگاکانى سنوورى ڕانیە دەستیپێکردەوە و داوا دەکەن دەرماڵەیان …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *