ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
کچە کوردێکی کرماشان لە شاری تاران، بەبیانووی پابەندنەبوون بە باڵاپۆشییەوە، لەلایەن پۆلیسی ئەخلاقی ئێرانەوە لێدەدرێت لە هۆشخۆی دەچێت و لەئێستادا لە نەخۆشخانە لە کۆمادایە.
ھێزە ئەمنییەکانی ئێران لە میترۆی شەھۆدا لە تاران، ھێرشیانکردووەتە سەر کچێکی تەمەن ١٦ ساڵ بە ناوی “ئارمیتە گەڕاوەند”، بە بیانووی ئەوەی پابەندی باڵاپۆشیی نەبووە و بەشێوەیەکی دڕندانە لێیانداوە.
ئەو کچە خەڵکی کرماشانە و دانیشتووی تارانە و لەئێستادا لە ھۆش خۆی چووە و لە نەخۆشخانەی فەجر لە کۆمادایە.
سەرچاوەکان رایدەگەیەنن، ھێزێکی زۆری ئەمنیی لەو نەخۆشخانەیە جێگیرکراون و رێگە بە سەردانی کەسوکاری “ئارمیتە” نادەن، ھەروەھا ئەو رۆژنامەنووسەی کە بۆ راپۆرت سەردانی نەخۆشخانەکەی کردبوو لەلایەن ھێزە ئەمنییەکانەوە دەستبەسەرکرا و پاشانان ئازاد کرا.
