سەرۆک وەزیرانی عێراق: پێویست نییە هێزەکانی هاوپەیمانان لە عێراق بمێننەوە  

سەرۆک وەزیرانی عێراق  رایدەگەیەنێت، ئێستا داعش مەترسیی نییە بۆ عێراق و پێویست نییە هێزەکانى هاوپەیمانان لە وڵاتەکەد بمێننەوە.

رۆژنامەى “زە ناشناڵ” چاوپێکەوتنێكی محەمەد شیاع سودانیى، سەرۆک وەزیرانى عێراقی بڵاوکردوەتەوە و سەرۆک وەزیرانی عیراق رایگەیاندوە: بەهاى دۆلار پەیوەندیی بە چاکسازیی تایبەتەوە هەیە لە کەرتى بانکیی و دارایی وڵات و سەربارى لێکەوتە کۆمەڵایەتییەکانیش حکومەت، ئەو هەنگاوە چاکسازییانەى جێبەجێ کردوە.

ئاماژەی بەوەشکردوە، ناسەقامگیرییەکەی نرخى دراو جەنگى نێوان دەوڵەتەکانە و دەیانەوێت مامەڵە راستەکان جێگیر بکەن، ئێستا جەنگ دژى گەندەڵیى دەستیپێکردوە و لە چوارچێوەى رووبەڕووبوونەوەى گەندەڵییشدا پارە و داواکراوەکانمان گەڕاندوەتەوە بۆ عێراق.

وتیشی: لەبودجەى عێراق گەرەنتى کۆتاییهاتنى هەژاریی هەیە، لە بەشێوەیەکى ریشەیی لە ماوەى پێنج ساڵى داهاتودا چارەسەر ئەبێت.

سەرۆک وەزیرانی عێراق جەختی لەوەشکردوەتەوە: داعش لە ئێستادا هەڕەشە نییە بۆسەر وڵاتەکە و چیتر پێویست ناکات هاوپەیمانى نێودەوڵەتى بمێننەوە کە بۆ روبەڕوبونەوەى داعش پێکهاتبون. لەم مانگەدا لیژنەى هاوبەشمان لەگەڵ ئەمەریکا کۆدەبێتەوە و جەخت لەسەر پەیوەندییەکانى ئەو وڵاتە لەگەڵ عێراق دەکرێتەوە.

هەروەها چێکی بکە

شاندێکی کەنەکە سەردانی تەڤگەری ئازادیی کرد

هاوسەرۆکی کۆنگرەی نەتەوەوەیی کوردستان، بە یاوەری شاندێکی نێودەوڵەتیی، بۆ بەدواداچوونی دۆسێیەی شەهید دەنیز سەردانی هەرێمی …