ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
نیاز حامید
فشارەکانی کۆماری ئیسلامی ئێران سەریگرت. سەرگرتنی پیلانەکەی بۆ ئاشبەتاڵی دیموکرات و کۆمەڵەکان (جگە لە کۆمەڵەی کۆمنسیتی و رەزا کەعبی)، بە هاوکاری خیانەتی ناوخۆ بوو کە سەرچەتەکانی پدک ەن. ئەو سەرچەتانە گەورەترین خزمەتیان بە ئۆپەراسیۆنی کۆماری ئیسلامی ئێران بۆ بەئاشبەتاڵکردن کرد.
پدک هەمیشە لە پارچەپارچەکردن و ئاشبەتالپێکردنی گروپو هێزە سیاسیەکانی کوردانە، جا ئەو هێزە لە هەر پارچەیەکی کوردستان بێت، گرنگ نییە.
پدک ئەرکدارکراوە بۆ ئەم کردە پیلانگێرییانە وەک داردەستێک بە دەست داگیرکەرانەوە.
بە ئاشبەتاڵپێکردنی کۆمەڵە و دیموکرات، گەلی ئێمە لە رۆژهەڵات بێخاوەن نییە، بەڵکو ئێستا لە هەموو رۆژێک زیاتر خاوەنی هەیە.
خاوەنی گەلی رۆژهەڵات خۆیەتی و شۆڕشی ژن ژیان ئازادییە.
خاوەنی گەریلای یەرەکە و پێشمەرگەکانی کۆمەڵە تەسلیم نەبووەکانە.
گەل لە هەر سێ پارچەکەی دیکە خۆی بەخاوەنی دۆزی رەوای رۆژهەڵات دەزانێت.
ئەم وێنە لەناخەوە ئازاریدام….دیمەنی ئەو ژن و پیاوە پیرە رۆژهەڵاتییە لەگەڵ کوڕەکەی کە لەلایەن چەتەکانی پاسەوانی سنوری سەر بە پدک لەژێر ئاڵای عێراق، وەک تاوانبار دەستگیرکراون، گوایە سنوریی دەستکردیان بێ مۆڵەت دەربازکردووە!، ئازاربەخشە و ویژدان هەژێنە.
ئەم دیمەنە، تەسلیمکردنی و شەهیدکردنی دەیان و سەدان رۆژهەلاتی و باکوریم بە یاد دەهێنێتەوە کە سەرچەتەکانی پدک تەسلیم بە رژێمی ئێران و تورکیای دەکردنەوە کە دواتر لەسێدارە دەردان یا زیندانی دەکران. ئاخر ئێستاش ئەو خیانەتەی سەرچەتەکان بەردەوامە، دوێنێ بوو لە ناوجەرگەی هەولێر، دەنیز گەڤەرییان بۆ دەوڵەتی فاشستی تورکیا تیرۆرکرد.
