کەجەدەکە-ئە: پارتی دەبێت دەست لەو هەڵسوکەوتە شەرمەزاریانەی هەڵبگرێت

کەجەدەکە-ئە، باسی هاوکارییەکانی پارتی دەکات بۆ دەوڵەتی تورک و ئاماژەی بەوەکرد کە دەبێت پارت دەستبەجێ دەست لەو هەڵسوکەوتەی هەڵبگرێت کە مایەی شەرمەزارییە.

ئەمڕۆ یەک شەممە کەجەدەکە-ئە، راگەیاندراوێکی بە ناونیشانی “پدک لە دژی تێکۆشانی ئازادیی شان بە شانی دەوڵەتی تورک وەستاوە” بڵاوکردەوە و تیایدا باسی لێدوانی عەلی عەونیی دەکات.

کەجەدەکە-ئە ئاماژەی بەوەشکرد، کە یەک لە بەرپرسانی پارتی عەلی عەونی هێڵی خیانەت کە لەلایەن پارتەکەیەوە گیراوەتەوەبەر بە رەوا نیشان دەدات و لە راگەیەندراوەکەدا لەو بارەوە هاتووە: “پارتی کە هیچ پەیوەندییەکی بە دۆزی کوردستان و گەلی کوردەوە نەماوە، چارەنوس و هەموو شتێکی خۆی بە دەوڵەتی تورکەوە بەستووە، دەبێت شوێن سیاسەتەکانی دوژمن نەکەوێت. پارتی دیموکراتی کوردستان کە تەنیا خەریکی کۆکردنەوە و زیادکردنی سامانە، لە پێناو عەشیرەتەکەیدا بازرگانیی بە هەموو بەهاکانی گەلەکەیەوە دەکات”.

ئەوەش هاتووە، کە پارتی دیموکراتی کوردستان درێژە بە هاوکاریی خۆی لەگەڵ دەوڵەتی تورک دەدات و پێداگرە لەسەر خیانەت و بەم جۆرە بەردەوام بووە: “هەبوونی زیاتر لە ١٠٠ بارەگا لە باشووری کوردستان، وەک بڕیارگەی میت بەکارهێنایان لەبەر ئەوەیە. پشتیوانیی کرد لە دەوڵەتی تورکی قڕکەر و سوپا خوێنڕێژەکەی، خیانەتە. عەلی عەونیی پارتی لە بری ئەوەی لە سوپای تورکی داگیرکەر بێزار بێت کە دەیان ساڵە بارەگای سەربازی لە کوردستان هەیە، بەڵام لە بزوتنەوەی ئازادیی کورد توڕە و بێزارە. لەبەر ئەوەی پارتی خەتی خیانەتی بە بنەما گرتووە، هێرشی داگیرکەری بە هەموو کوردستاندا بڵاو کردووەتەوە. لە دهۆکەوە تا هەولێر و سلێمانی میت و چەتە مرۆڤکوژەکانی بە ئازادی دەسوڕێنەوە”.

لە کۆتایی راگەیەندراوەکەدا بانگەوازێک ئاراستەی پارتی دیموکراتی کوردستان کراوە و هاتووە: “پارتی ئیتر دەبێت بە روونی خۆی یەکلا بکاتەوە کە لایەنگری کوردە، یاخود لایەنگری دەوڵەتی تورکە. دەبێت دەستبەجێ دەست لەو مامەڵەکردنەی هەڵبگرێت کە مایەی شەرمەزارییە”.

هەروەها چێکی بکە

كاروبارە تەندروستییەكانی هەرێمی کورستان بووە بە بازرگانیی

ئەبوبەكر مەجید سیستەمی تەندروستیی بابەتێکی گرنگە بۆ مرۆڤ، بە درێژایی مێژوو مرۆڤ لە گەڕاندابووە بۆ …