ئەندامێکی سەرکردایەتیی پارتی لە راگەیاندنی حیزبەکەیەوە، بە ئاشکرا داوا لە دەوڵەتی تورکیا ئەکات، بێتەنێو خاکی هەرێمی کوردستانەوە و هێرش ئەنجامبدات و ئامانجەکانی بپێکێت.
لە ماوەی رابردوودا ڤیدیۆی چاوپێکەوتنی عەلی عەونیی – ئەندامانی سەرکردایەتیی پارتی دیموکراتیی کوردستان، لە تیڤی حیزبەکەی بڵاوکرایەوە، راستەوخۆ داوای لە هێز و سوپای دەوڵەتی تورکی داگیرکەر کرد، بێنە نێو خاکی هەرێمی کوردستان و هێرش ئەنجام بدات.
عەلی عەونیی، لە چاوپێکەوتنەکەدا بە ئاشکرا داوا لە هێزەکانی دەوڵەتی تورکیا کرد، بێنە نێو خاکی هەرێمی کوردستان و کۆمەڵکوژیی ئەنجام بدەن.
عەونیی، داوا لە سوپای تورکیا ئەکات بەناوی کردنە ئامانجی کادیرانی پەکەکە، بە فڕۆکەی بێفڕۆکەوان، لە زەوی و بە شێواز و رێگەی دیکە، هێرش بکاتە سەر گەشتیاران لە ناوچەی ئەحمەدئاوای هەرێمی کوردستان.
ئەو سەرکردەیەی پارتی، ئاماژە بە ناوی چەندیین ناوچە لە هەرێمی کوردستان وەک: رانییە، دەربەندیخان، قەڵادزێ و دەربەند و برادۆست وەک رێنمایی بە هێز و سوپای دەوڵەتی تورکیا ئەدات و داوای لێدەکات هێرش لەو ناوچانە ئەنجامبدات و بیکاتە ئامانجی هێرشەکانی.