ئەو تیرۆریستەی داعش کە ماڵ و سامانی ئێزیدییەکانی دزیوە دەستگیرکرا

بەڕێوەبەرایەتی ئاسایشی سلێمانیی  رایگەیاند، سێ‌  تیرۆریستی داعشیان دەستگیر كرد، یەک لەوانە ماڵ و سامانی ئێزدییەكان دزیووە و گواستووەتەوە.

بەڕێوەبەرایەتیی ئاسایشی سلێمانیی، راگەیاندراوێکی بڵاوکردەوەت و تیایدا هاتووە: هێزەکانی ئاسایش، لەدوای بەدەستگەیشتنی زانیاریی هەواڵگریی، لەلایەن دەزگا ئەمنییەکانی حکومەتی فیدراڵ، لەسەر بوونی ٣ داواکراو بە ماددەی (٤)ی تیرۆر، بە مەبەستی دەستگیرکردنی داواکراوان هێزەکانی ئاسایش بە بڕیاری دادوەری لێکۆڵینەوە، توانیان لە (دوو) ئۆپراسیۆنی جیادا تیرۆریستان دەستگیربکەن.

ئاماژەی بەوەکردوە: ئۆپراسیۆنی یەکەم/ لە ڕۆژی ٢٠٢٣/٨/٢ هەردوو بەڕێوەبەرایەتیی ئاسایشی سلێمانیی و بەڕێوەبەرایەتیی ئاسایشی ڕۆژئاوای سلێمانیی، هەردوو تیرۆریستی داواکراو ( م، ع، ع ) ، ( م، ج، م ) دەستگیرکرد.

ئەوەشی خستووەتەڕوو: ئۆپراسیۆنی دووەم/ لە ڕۆژی ٢٠٢٣/٨/١٣ بەڕێوەبەرایەتیی ئۆپراسیۆنەکانی دەزگای ئاسایشی هەرێم، بە هەماهەنگی بەڕێوەبەرایەتیی ئاسایشی سلێمانیی، تیرۆریستی داواکراو (س، ح، ع) دەستگیرکرد، تیرۆریست لە ڕیزەکانی داعشدا کاری بردن و گواستنەوە و دابەشکردنی ماڵ و سامانی کوردانی ئێزیدی بووە لە ناوچەی شەنگال.

بەڕێوەبەرایەتی ئاسایشی سلێمانیی  لە راگەیاندراوەکەیدا، ئەوەش دەڵێت: لە ئێستادا هەر سێ تیرۆریستی داواکراو، ڕادەستی یاسا کراون.

هەروەها چێکی بکە

كاروبارە تەندروستییەكانی هەرێمی کورستان بووە بە بازرگانیی

ئەبوبەكر مەجید سیستەمی تەندروستیی بابەتێکی گرنگە بۆ مرۆڤ، بە درێژایی مێژوو مرۆڤ لە گەڕاندابووە بۆ …