ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
ئۆزنور بارتن، پەرلەمانتاری پارتی چەپی سەوز لە بازنەی جۆلەمێرگ داوایکرد، لێکۆڵینەوە لەبارەی گۆشەگیریی سەر ڕێبەری گەلی کورد عەبدوڵا ئۆجالان بکرێت و لیژنەیەک بۆ لێکۆڵینەوە لەپەرلەمان پێکبهێندرێت و جەختیکردەوە: زۆر گرنگە کۆتایی بە گۆشەگیریی سەر ئۆجالان و سێ زیندانیی دیکەی ئیمراڵی بهێنرێت.
ئۆزنور بارتن، پەرلەمانتاری پارتی چەپی سەوز لە بازنەی جۆلەمێرگ، بەمەبەستی لێکۆڵینەوە لە گۆشەگیریی توندی سەر ڕێبەری گەلی کورد و زیندانیانی دیکەی ئیمراڵی، یاداشتێکی پێشکەش پەرلەمانی تورکیا کرد و تیایدا داوای پێکھێنانی لیژنەیەکی لێکۆڵینەوەی پەرلەمانی کرد.
لە بەشێکی یاداشتەکەدا ئاماژە بەوە کراوە، لە ٢٥ی ئاداری ٢٠٢١ بەدواوە هیچ زانیارییەک لەبارەی عەبدوڵا ئۆجالان-ەوە نازاندرێت.
ئەوەشخراوەتەڕوو، گۆشەگیریی لە ئیمراڵی پێچەوانەی یاسا و ڕێککەوتنە نێونەتەوەییەکانە و مامەڵەیەکی ھەڕەمەکیی و جیاکارانەیە و جەختیشکراوەتەوە، زۆر گرنگە کۆتایی بە گۆشەگیریی سەر ئۆجالان و سێ زیندانیی دیکەی ئیمراڵی بهێنرێت.
