ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
ئەفسەرێکى هاتووچۆ رایدەگەیەنێت، دیاریكردنی ئه‌و نرخه‌ی كه ئێستا ده‌ستنیشانكراوه بۆ سزای خێرایی، زۆر زۆره‌و له‌گه‌ڵ داهاتی تاك ناگونجێ، دەڵێت: “ده‌بێت ئه‌نجومه‌نی وه‌زیران‌و وه‌زاره‌ته په‌یوه‌ندیداره‌كان‌و په‌رله‌مانی كوردستان، پیاچونه‌وه‌یه‌ك به‌بڕی ئه‌و سزایه‌دا بكه‌ن”.
كاروان محه‌مه‌د سدیق مقه‌ده‌مى هاتوچۆ له‌وتارێكدا ئەوە ئەخاتەڕوو”ساڵانه له‌جیهاندا ژماره‌یه‌كی زۆری مرۆڤ به‌ڕوداوه‌كانی هاتوچۆ گیانله‌ده‌ستده‌ده‌ن‌و بریندارده‌بن‌و توشی زیانی ئابوریی ده‌بن، ده‌توانین بڵێین به‌شێكی زۆری هۆكاری ڕوداوه‌كان ده‌گه‌ڕێته‌وه بۆ خێرایی لەڕادەبەدەرو هه‌وڵه‌كانیش بۆ كه‌مكردنه‌وه‌ی ڕوداوه‌كان‌و كۆنترۆڵكردنی ئه‌و شۆفێرانه‌ی كه به‌خێرایی زیاد له‌خێرایی ڕێگه‌پێدراو شۆفێری ده‌كه‌ن دانانی كامێراكانی چاودێری خێراییه“.
ئاماژەی بەوەشئەکات، “تاوه‌كو ئێره هیچ كێشه‌و گرفتێك نییه، به‌ڵام ئه‌وه‌ی كه جێگه‌ی هه‌ڵوێسته له‌سه‌ركردن‌‌و تێڕامانە له‌هەریمی كوردستان بڕی سزای دارایی كامێراكانی چاودێری خێراییه كه ئێجگار زۆره كه له (70) هه‌زار دیناره‌وه ده‌ستپێده‌كات بۆ (250) هه‌زار دینار، واته تاوه‌كو خێرایی زیاتربێت بڕی سزا داراییەکە زیاتر ده‌بێت“.
ئه‌و ئه‌فسه‌ره‌ی هاتوچۆ ئه‌وه‌شى نوسییووه، “دیاریكردنی بڕی ئه‌و سزایه وه ئه‌و نرخه زۆرانه له‌كاتێكدابوو كه هەرێمی كوردستان له‌دۆخێكی خراپی ئابوریدا بوو، وه‌زیری ناوخۆو وه‌زیری دارایی ئه‌وكات به‌پێی ئه‌و ده‌سه‌ڵاته‌ی كه پێیاندرابوو ئه‌و نرخه‌یان ده‌ستنیشانكردبوو بۆ سزای خێرایی، له‌هه‌موو جیهانیشدا له‌كاتی دیاریكرنی ڕسومات‌و غرامات، ده‌بێت كارێكی وابكرێت كه ئه‌وكاره واته دیاریكردنی ڕسومات‌و غرامات له‌گه‌ڵ داهاتی تاك له‌كۆمه‌ڵگادا بگونجێت، كه ده‌توانین بڵێین له‌ئێستادا دیاریكردنی ئه‌و نرخه‌ی كه ئێستا ده‌ستنیشانكراوه بۆ سزای خێرایی زۆر زۆره له‌گه‌ڵ داهاتی تاك ناگونجێ“.
ئەو مقه‌ده‌مەی هاتووچۆ پێشنیازی ئەوە ئەکات، “ده‌بێت ئه‌نجومه‌نی وه‌زیران‌و وه‌زاره‌ته په‌یوه‌ندیداره‌كان‌و په‌رله‌مانی كوردستان پیاچونه‌وه‌یه‌ك به‌بڕی ئه‌و سزایه‌دا بكه‌ن، بۆئه‌وه‌ی ئه‌مكاره نه‌بێته ئه‌ركێكی قورس له‌سه‌ر هاوڵاتیان‌و شۆفێران جگه‌له‌وه‌ی كه ئێمە پێشتر چه‌ندینجار ئه‌و پێشنیازه‌مان كردوه با سزایی خێرایی لێخوڕین ته‌نها سزایی دارایی نه‌بێت، به‌ڵكو ئه‌و شۆفێرانه‌ی كه چه‌ندجارێك ژماره‌ی ئۆتۆمبێلەکانیان تۆماركرا له‌لایه‌ن كامێراكانی چاودێری خێرایی، پۆینت بكرێته مۆڵه‌ته‌كانیان‌و به‌چه‌ند پۆینتیک بۆ ماوه‌یه‌كی دیاریكراو مۆڵه‌تی شۆفێرییه‌كه‌یان لێ بكێشرێته‌وه“.
