ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
کۆمەڵگای ژنانی ئازادی ڕۆژهەڵاتی کوردستان (کژار)، لە بارەی دەستگیرکردنی ئەندامێکیان لەلایەن کۆماری ئیسلامیی ئێرانەوە، رایگشیی و نەتەوە یەکگرتووەکان و رێکخراوە نێودەوڵەتەتییەکان ئاگادار دەکەنەوە.
ئەمڕۆ سێ شەممە، کۆمەڵگای ژنانی ئازادی ڕۆژهەڵاتی کوردستان (کژار) راگەیاندراوێکی لەماڵپەڕی خۆی بڵاوکردەوە و تیاید هاتووە: ” بۆ ڕای گشتی، ڕاپۆرتەری تایبەتی نەتەوە یەکگرتووەکان بۆ مافەکانی مرۆڤ لە ئێران و ڕێکخراوە نێودەوڵەتییەکانی داکۆکی لە مافەکانی مرۆڤ”.
جەخت لەوە دەکاتەوە: “لە 10ی گەلاوێژی ٢٧٢٣، یەک لە ئەندامانی ڕێکخراوەکەمان “کۆمەڵگەی ژنانی ئازادی ڕۆژهەڵاتی کوردستان”، بە ناوی “وریشە مورادی، بە کۆدی “جوانا سنە”، کە بۆ ئەنجامدانی چالاکی سیاسی و ڕێکخستنی ژنان لە ڕۆژهەڵاتی کوردستان ئامادەبوو، لە نزیک شاری سنە لەلایەن هێزەکانی ئەمنیەتی کۆماری ئیسلامی ڕفێندرا و بۆ شوێنێکی نادیار گواسترایەوە”.
ئەو رێکخراوەی ژنان ئاماژەی بەوەشکردوە: “لەم ماوەیەدا سەرەڕای بەدواداچوونی بەردەوامی بنەماڵەی هاوڕێمان وریشە مورادی، بۆ دامودەزگا ئەمنییەکان، هیچ زانیارییەک لەسەر چارەنووسی ناوبراو دەست نەکەوتووە. ئەم پرسە نیگەرانی بنەماڵە و ڕێکخراوەکەمان، “کۆمەڵگەی ژنانی ئازادی ڕۆژهەڵاتی کوردستان-کژار”ی سەبارەت بە دۆخی ناوبراو زیاتر کردووە.“
ئەوەشی خستووەتەڕوو: “سەبارەت بە بێ سەروشوێنکردنی هەڤاڵمان جوانە سنە لە لایەن هێزەکانی سازمانی ئیتلاعاتی سپای پاسداران و وەزارەتی ئیتلاعاتەوە، کۆماری ئیسلامی ئێران بە بەرپرسیار دەزانین لە دۆخ و گیانی هەڤاڵمان.“
کژرا راشیدەگەیەنێت: “هەر بۆیە داوا لە ڕای گشتی و ڕاپۆرتەری تایبەتی نەتەوە یەکگرتووەکان بۆ مافەکانی مرۆڤ لە ئێران و ڕێکخراوی مافی مرۆڤی نێودەوڵەتی دەکەین کە ڕێوشوێنی پێویست سەبارەت بە بێسەروشوێنکردنی هەڤاڵ جوانا و “سیناریۆ سازی دامەزراوە ئەمنییەکان” لەدژی هەڤاڵمان بگرنەبەر.“
