پەیەدە لەبارەی دۆخی جندرێس داوایەکی ئاڕاستەی نەتەوەیەکگرتووەکان کرد

نوێنەرایەتی پەیەدە لە شاری سلێمانی، کۆمەڵکوژکردنی گەنجانی کوردی لە جندرێسی سەربە عەفرین لە شەوی نەورۆزدا شەرمەزار کرد و داواش لە ئەنجومەنی ئاسایشی نێودەوڵەتی کرد لەدژی دەوڵەتی داگیرکەری تورک هەڵوێستی هەبێت.

ئەمڕۆ پێنج شەممە ٢٠٢٣/٣/٢٣ نوێنەرایەتی پارتی یەکێتی دیموکراتی (پەیەدە) لە شاری سلێمانی،کۆنفڕانسێکی رۆژنامەنووسی لەبارەی کۆمەڵکوژییەکەی ٢١ی ئازاری جندرێس کە لەلایەن چەتەکانی سەر بە دەوڵەتی داگیرکەری تورک ئەنەنجامدرا بوو سازکرد و ئەو کۆمەڵکوژییەی شەرمەزار کرد.

جاویدان کەمال نوێنەری پەیەدە لە شارەکە لە کۆنفرانسە رۆژنامەنووسیەکەدا راگەیەندراوێکی خوێندەوە و کۆمەڵکوژی سەر کوردانی شەرمەزار کرد و وتی، ” ئێمە بانگەوازی لە ئەنجومەنی ئاسایشی نێودەوڵەتی سەر بە نەتەوە یەکگرتووەکان دەکەین کە بەرپرسیاری خۆی جێبەجێ بکات و رێگری لە داگیرکەری دەوڵەتی تورک و چەتەکانی لە عەفرین، گرێ سپی، سەرێکانی و هەرێمەکانی دیکەی سوریا بکەن و بە زوترین کات دەستوەردان بکات.”

نوێنەری پەیەدە راشیگەیاند، تاوەکو هەرێم و شارەکانیان لەلایەن دەوڵەتی داگیرکەری تورکەوە داگیرکراوبن، تێکۆشانیان بەردەوام دەبێت.

دەوڵەتی داگیرکەری تورک و چەتەکان لە ناوجەی جندرێسی عەفرین، لە ٢١ ئەم مانگە چوار کوردیان کۆمەڵکوژ کرد کە ویستیان ئاگری نەورۆز بکەنەوە.

هەروەها چێکی بکە

ئەردۆغان نەیتوانی بە مەرامە سیاسییەکانی خۆی بگات

چرۆ شوانیی باسلەوەکات ئەنجامی بەرپەرچدانەوەیەی هاوڵاتیان بۆ سەردانەکەی ئەردۆغان بۆ عێراق، دەگەڕێتەوە بۆ داگیرکاریی دەوڵەتی …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *