ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
سەلام عەبدوڵا هاوسەۆکی گشتی تەڤگەری ئازادیی، لە ئاهەنگی نەورۆزی قەندیل وتارێکی پێشکەشکرد و تیایدا ئاماژەی بەوەکرد کە بەرزکردنەوەی تێکۆشان پەیماننامەکانی سەدە تێک دەشکێنن.
ئەوەش لە وتارەکەی هاوسەرۆکی تەڤگەردا هاتبوو: ە بەرزکردنەوەی تێکۆشان پەیمانی سەدە تێک دەشکێنیین، کوردستان ئازاد دەکەین، جەژنی بوژانەوە و ژیانەوە، جەژنی ئازادی و نوێبونەوە، جەژنی سەرکەوتنی حەق بەسەر ناحەقدا، جەژنی سەرکەوتنی ئاهورەمەزدا بەسەر ئەهری مەندا، لەرێبەری گەلان لە رێبەری ئازادی لە رێبەر ئاپۆ پيرۆز دەکەین، جەژنی سەری ساڵی نوێی کوردی لە کوران و کچانی کوردەواری لە گەریلاکانی سەرچیا لە شۆرشگێرانی رێی ئازادی، کە بەعەشقەوە لە لوتکە بڵندەکانی کوردستاندا گیانیان خستۆتە سەر لەپی دەستیان و لە بەرامبەر دڕەندەترین دوژمنی سەردەمدا بەخوێنی گەشی خۆیان داستانی میتۆلۆژی دەنوسنەوە.
ئاماژەی بەوەشکرد، جەژنی نەورۆزی ٢٧٢٣ی کوردی لە تەواوی گەلی کورد و گەلانی زاگرۆس پیرۆز دەکەین، گەلی ئازادی خوازو وڵاتپارێز پیرۆزکردنی جەژنی نەورۆز لە قەندیلی سەرکەش و وارگەی بەرخۆدان، تایبەتمەندی خۆی هەیە، ئەگەر قەندیل لەرابردوودا لانکە و شوێنگەی ژیاندنی بزوتنەوە کوردیەکان بووبێت، لەئێستادا قەندیل خاوەنی شەرت و مەرجێکی ریالیستیە، بەتایبەت دوای ئەوگۆرانکاریە ڕیشەییانەی، کە بەسەر دیدو تیوریەکانی جوگرافیای سیاسیدا هات، لەباری دیفاکتۆییەوە قەندیل ناوەندێکی جیۆکلتوری، جیۆسەربازی، جیۆپۆلەتیکی زۆر گرنگە لەناو تیۆریای جیۆ ستراتیژیدا، قەندیل نەک هەر کۆڵەکەی ئاسایشی باشورە، بەڵکو ستوندێکی ئەساسی ئاسایشی نەتەوەی کوردە.
لەکۆتاییشدا باسلەوەکراوە، گەلی خۆراگر ڕاستە ئێمە لەکاتێکدا جەژنی نەورۆز پیرۆز دەکەین، کە گەلەکەمان لە باکورو ڕۆژئاوای وڵاتدا لەناو ماتەمێکی قوڵدایە، بەڵام دەبێت ئەوە بزانین، کە نەورۆز تەنها بۆنەیەکی شادی و کلتوری نییە، بەڵکو ھێمای کۆڵ نەدان و تێکۆشانە، هەر نەورۆزێک ژانی لەدایکبونێکی نوێیە، بۆیە نەورۆزی ٢٧٢٣کوردی لێرە لە قەندیلی سەربڵند لە وارگەی خۆراگری و بەرخۆدان دەکەین بەکۆ وڵامێکی سیاسی و نەتەوەی لە بەرامبەر فاشیزمی ئاکەپە و مەهەپە و تەواوی سیستەمە دیکتاتۆرەکان و تێکۆشان گەشترو گەرمتردەکەین.
