ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
پەرۆشی و ھاوخەمی قوڵی خۆمان بۆ قوربانیان و زامدارانی کارەساتی بومەلەرزەکەی باکوری کوردستان و شارەکانی باکوری سوریا و رۆژئاوای کوردستان رادەگەیەنیین ،
ھەر دەچێت گەورەیی و ھێزی وێرانکاریەکەی ئەو کارەساتە سروشتییە زیاتر دەبێت و زیانەکان و قوربانیەکان ڕوو لەھەڵکشانی زیاترن ، گەلەکەمان لە باکور و رۆژئاوای کوردستان بەردەوام ڕووبەڕووی داگیرکاری و فاشییزم و ستەمکاریەکی ھەمەلایەنە دەبێتەوە لەلایەن دەسەڵاتدارانی ئەو وڵاتانەوە،
بۆیە دەبێت ئەو کارەساتە وەک دەرفەتێک ھەموو گەلی کورد بەئاگابێنێتەوە بۆ پشتیوانی و سەفەر بەر بوون و ھاوکاریکردن، لەو ڕوانگەیەوە بەڕۆحیەتێکی کورد بوون و مرۆڤایەتی یەوە داوا لە تاک بەتاکی گەلەکەمان لە باشوری کوردستان بەتایبەتی و کوردانی دەرەوەی وڵات دەکەین بەشێوەیەکی ڕێکخراو دەست بە چالاکی کۆکردنەوەی ھاوکاریەکان بکەن بۆ زیان بەرکەوتوان و قوربانیانی ئەو کارەساتە سروشتیە وێرانکەرە، کەلەئێستادا بەھۆی سەختی کەش و ھەواو کەمی خزمەتگوزاری سەرەتایی بەھەزاران ھاوڵاتی کورد چاویان تەنھا لە کۆمەک و ھاوکاریەکانی ھاو زمان و نەتەوەی خۆیان و مرۆڤدۆستانە.
تەڤگەری ئازادیی کۆمەڵگەی کوردستان
دەستەی بەڕێوەبەرایەتی
٦/٢/٢٠٢٣
