ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
تارا حسێن جێگری هاوسەرۆکی تەڤگەری ئازادی سەبارەت بە دەستگیرکردنی گەنجانی پیرەمەگروون دەڵێت:ھەرچی زووە ئازادی بۆ مناڵەکانی پیرەمەگرون
ڕایدەگەیەنێت: بەڕاستی کە ویستم گوێیان لێ بگرم خۆشحاڵ بووم کە ئافەرین ئاسایش توانیوتە دەستی ناحەز و تێکدەران ئاشکرا بکەیت و بیانھێنیتە سەر شاشە بۆ ئەوەی ھەموومان ھۆشیار بینەوە لەو دەستە تێکدەرانە، بەڵام بە داخەوە کە گوێم ڕاگرت بێ ھیوا بووم لەو ھێزانەی گوایە دەستی تێکدەر و دەرەکی ئاشکرا دەکەن، چونکە بینیم مناڵەکانی خۆمانن.
ئەوەش باسدەکات: کرێکارە دەست قڵیشاوەکانی کە ھەر چاویان کردۆتەوە لە سایەی نەبونی سیستم و دادی کۆمەڵایەتی ھەم دەسەڵاتەدا خەریکی ڕەنجن و دەستی ماندوویان لەسەر سکی تێریانە، بەڵام ئەم دەسەڵاتە ئاواش لێیان ناگەڕێ.
ڕاشی دەگەیەنێت: ئەو چوار دینارەی بەڕەنجی خۆیان بەدەستی دەھێنن ناچارن بیدەن بە ھەقی کارەبا و گرانی مۆلیدە و جیاکاری سیستمی پەروەردە و تەندروستی و ئەوانی تردا.
دەشڵیت: دەسەڵات لەم ھەرێمە ئەیەوێ بڵێ یان بڕۆ خۆت بدە بە ئاوی ئیجەدا و مەیەرەوە، یان ئەگەر لێرەی ئەبێ کۆیلایەتی قبوڵ بکەی، دەنگ بەرز بکەیتەوە جێگەت زیندانە و کاتێک دەزانی یان بە جلی پرتەقاڵیەوە وەکو تاوانباری گەورە نمایش دەکرێی یانیش وەکو گەنجە بوێر و دەنگە دلێرەکانی بادینان سزای چەندین ساڵ دەدرێیت. ناکرێ ئەم دۆخە قبوڵ بکرێت، ناکرێت لەوە زیاتردەسەڵات سنور ببەزێنێ.
لە کۆتایشدا دەڵێت: لەگەڵ ئەو کار و کردەوانە نیم و پێشتریش وتومانە بەڵام ئەم ھەڵسوکەوتە نەدەبوو بۆ ئەو گەنج و منداڵانە بێت..
