ژینۆسایدی سەر گەلەکەمان بەردەوامە، لە قوڕسترین ئاستدا

 

دوای نیوەڕۆی دوێنێ ڕۆژی ٧ی دیسەمبەر ٢٠٢١، بە هێرشی هەوایی-درۆنی دەوڵەتی داگیرکەری تورک، “مەروان بەدەل” هاوسەرۆکی دەستەی خۆبەڕێوەبەری شەنگال شەهید بوو کاردانەوەی ئێزیدییەکان و چین و توێژەکانی بەدوای خۆیدا هێنا.
ئێمە، ئەوپەڕی توڕەیی و نیگەرانی و ئیدانەی خۆمان ڕادەگەیێنین، بە بۆنەی تیرۆری هەڤاڵمان، ئەوە چوارەمین جارە دەوڵەتی تورک بە هاوکاری و هەماهەنگی هێزە لۆکاڵییەکانی لەو هەرێمەدا پێشەنگانی ئێزیدی و شەنگالیەکان بەسەریەکەوە دەکاتە ئامانج. بێ گومان ئەوەش فرمانێکی ترسناکترە لەهەر فەرمانێکی تری مێژوویی لەسەریان.
دوژمنانی ئێزیدییەکان، لە ڕابردوودا ئێزیدییەکانیان بە تەواوی ڕووبەڕووی ژینۆساید دەکردەوە، ئێستا و لەدوای ٣ی ئۆگەستی ٢٠١٤ کە داعش بەهاوکاری تورکیا و جێهێشتنەکانی پێشمەرگەکانی پارتیی دیموکراتیی کوردستان، بەشێوازێکی نوێ ئەم خەڵکە هەژار و خێرلەخۆنەدیوە، ڕووبەڕووی ژینۆسایدکراوەتەوە. ئەویش ئەوەیە بە خەیاڵی خۆیان، ناهێڵن شەنگال ببێتە خاوەنی پێشەنگی ڕاستەقینە و ئازای خۆی و لە ڕێگای ئەو پێشەنگانەوە بە دوژمنان بڵێت: نا!
ئێمە، لە تەڤگەری ئازادی داوا لە تەواوی ئازادیخوازانی جیهان و ناوخۆیی و کوردانی هەرچواربەشی وەڵات و دەرەوەی وەڵات و نەتەوە یەکگرتوەکان دەکەین، بە چاڵاکی مرۆڤانە و نەتەوەییانەی خۆیان هەڵسن، نەهێڵن ئەو تاوانە یەک-بەدوا-یەکانە بەسەر دەوڵەتی تورک و هاوکارانییان دەرباز ببێت.
ئەو دۆخەی شەنگال و ئێزیدییەکان پیایدا تێدەپەڕن، زۆر قوڕسە زەحمەتی زۆر دەبینن، ژینۆسایدی نوێ لەسەریان بەڕێوەدەچێت بۆ ئەمە هەموو کەسێک ئەرکداردەکات. وە زیاتر لەوە، لە کەسایەتی هەڤاڵی فەرماندار “مەروان بەدەل” و زارۆکەکانی هەرسێ فەرمانداری تر مام زەکی، هەڤاڵ زەردەشت، هەڤاڵ سەعید، وە تەواوی ئەو منداڵە شەنگالیانەی لەسەردەستی تاریکی و زوڵم شەهید بوون بەبیردەهێنەوە و دەست لەسەر دڵمان، سەری ڕێز و ستایش بۆ گیانی پاکیان و خەباتی نەپساوەیان دادەنەوێنین و هەموو دوژمنانی گەلەکەمان لە هەموو جێگایەک شەرمەزار دەکەین.

تەڤگەری ئازادی کۆمەڵگەی کوردستان
دەستەی هاوسەرۆکایەتی
٨ی دیسەمبەری٢٠٢١

هەروەها چێکی بکە

دارئەلمەهروسای میسر کتیبێکی نوێی بەناوی “عەبدوڵا ئۆجالان، تێکۆشانێک کە لە دژی بەربەستەکان، ڕۆشنبیری خوڵقاندو دیوارەکانی تێپەڕاند”بڵاوکردەوە

دار ئەلمەهروسای میسری، کتێبێکی نوێی لەسەر تێکۆشان و فەلسەفەی عەبدوڵا ئۆ-جا-لان بەناونیشانی “عەبدوڵا ئۆ-جا-لان، تێکۆشانێک …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *