تهڤگهر کۆمهڵگهیهکی ئازاد و دیموکرات و ژینگه پاریز
بابەتی پەیوەندیدار
سێ هەفتە تێپەڕ دەبێ بەسەر شەهید بوونی هەڤال شوکری سەرحەد، بەڵام هێشتا بکوژان دەستگیرنەکراون، لەکاتێکدا بکوژان لە کامیرای چاودێرییەکان بە باشی دەرکەوتون و دیارن.
ئەمڕۆ هەینی ٢٢/١٠/٢٠٢١ لەگەڕەکی چوارچرای شاری سلێمانی هاوڕێ و هەڤاڵان و دۆستانی هەڤاڵ یاسین بووڵوت ناسراو بە شوکری سەرحەد کە بەرپرسی کۆمیتەی خانەوادەی شەهیدانی پەکەکە بوو لەباشور، لە شوێنی شەهیدکردنی گردبوونەوە و داوای بەسزا گەیاندنی تاوەنبارانیان کرد.
لەگردبوونەوەکەدا لە لایەن ئامانج حەمەرەش ئەندامی کۆمیتەی شەهیدانی پەکەکە لە باشور بەیاننامەیەک خوێندرایەوە.
کەتێداهاتبوو: وەک کۆمیتەی خانەوادەی شەهیدان پەکەکە لەباشور دووپاتی دەکەینەوە تا دەستگیرکردنی تاوەنباران، چالاکییەکانمان بەردەوام دەبێت. هەموو هەینیەک لەم شوێنە کۆدەبینەوە.
ئەوەش هاتبوو: پێشتر دەزگا ئەمنیەکان ڕایانگەیاندبوو تاوەنباران لە کامیرای چاودێریدا دەرچونە، بەڵام تا ئێستا ئەمە بۆرایگشتی ئاشکرا نەکراوە، دوا دەکەین بێنەسەرخەت و بەلگەکان ئاشکرابکرن.
باس لەوەش کرا: ئەگەر بێت و دەزگا ئەمنیەکان ئەم ڕووداوە ئاشکرا نەکەن، ئەوا ئەوان بەبەرپرسیاری ئەم تیرۆرە دەزانن.
لەکۆتایشدا گوڵی وەفا لە شوێنی شەهید شوکری دانرا،
