تەڤگەری ئازادیی راگەیاندراوێکی بڵاوکردەوە

بە بۆنەی جەژنی قوربانەوە،  بەناوی سەرجەم ئەندامانی  تەڤگەری ئازادیی کۆمەڵگەی کوردستانەوە، پیرۆز بایی لە موسڵمانانی کوردستان و گەلان دەکەین.  ھیوادارین گەلانی ماف زەوتکراو چەوساوە،  تێکۆشان بۆ  ئازادیی و دیموکراتیی و پێکەوەژیان فراوانتر بکەن.  دژی داگیرکەر و زاڵمی تاڵانکەر و ستەمکارانی سەردەم  کە لە رۆژگاری ئەمڕۆدا، بەچەکی قەدەغەکرا و زھنیەتی نەتەوەگەرایی و ئاینگەرایی، خاک و نیشتمانی ئێمە بۆردومان و سوتماک دەکەن.

گەلی ئێمە سەدان ساڵە، لە پێناو ئازادیی و دادپەروەریی و ژیانی ئازاددا قوربانیی دەدات، بەھەزاران رۆڵەی لەو پێناوەدا کردوەتە قوربانیی، بۆیە لەیادەوەریی جەژندا، وەک وەفادارییەک پێویستە سەردانی گۆڕی شەهیدان بکەین و بنەماڵەکانیان بەسەربکەنەوە و پشتگیریی لە خانەوادەی شەهیدان و زیندانییانی دۆزی ئازادیی بکەین. ھەر ئەوەش لەگەڵ راستیی جەژنی قورباندا یەکانگیر دەبێت، چونکە ئەوانەی ژیان و  گیانی خۆیان بەخشی لەپێناو خاک و بوون و  راستیی و دادپەروەریی و ئازادییدا خاوەنی راستەقینەی جەژنی قوربانن.

 لەسەر ئەو بنەمایە، پیرۆزبایی جەژنی قوربان لەسەرجەم  شەھیدانی رێی ئازادیی و تەواوی گەلی کورد ستان دەکەین ، ھیوا خوازیین لەم جەژنەدا گیانی ھاوکاریی و ئاشتەواویی بەھێزتر بێت و کوردستان ئاوەدان و ئازاد بێت.

 

تەڤگەری ئازادیی کۆمەڵگەی کوردستان – دەستەی ھاوسەرۆکایەتیی

٢٠٢٤/٦/١٥

هەروەها چێکی بکە

شاندێکی کەنەکە سەردانی تەڤگەری ئازادیی کرد

هاوسەرۆکی کۆنگرەی نەتەوەوەیی کوردستان، بە یاوەری شاندێکی نێودەوڵەتیی، بۆ بەدواداچوونی دۆسێیەی شەهید دەنیز سەردانی هەرێمی …