تەڤگەری ئازادیی راگەیاندراوێکی لەبارەی یەکی ئایارەوە بڵاوکردەوە

یەکی ١ی ئایار  رۆژی جیھانیی کرێکاران و چەوساوەکانی جیھان پیرۆز بێت

رۆژی یەکی گوڵان، بەرھەمی رەنج و خەباتی  ھاوبەشی کرێکاران و تێکۆشەرانی  رێی ئازادیی و یەکسانییە لەسەرتاسەری جیھان، لە دژی سیستمی چەوسێنەری سەرمایەداریی. ئەم رۆژە جیھانییە بۆ گەلی کورد و شۆڕشە ئازادییخوازەکەی خاوەن  واتایەکی مێژووییە، گەلی کورد قوربانییەکی ئەو سیستمە چەوسێنەر و دەسەڵاتدارییەی جیھانە، لە رۆژی ئەمڕۆشدا ئەو سیستمە کە ھەموو شتێکی سەر زەوی و ژێر زەوی خستووەتە خزمەت بەرژەوەندییە قازانج پەرستییەکەی، سڵ لە ھیچ کردەیەک ناکاتەوە. هەر بۆ ئەوەش داگیرکاریی و شەڕ و کاولکاریی و ناکۆکیی نێوان گەلان قوڵتردەکاتەوە، ئەمەیش بۆ ئەوەی سەروەت و سامانی گەلان تاڵان بکات.

سەرمایەداریی، پایەکانی خۆی لەسەر زھنیەتی دەسەڵاتخوازیی، پیاوسالاریی، قازانج پەرستیی و زەوتکردنی رەنجی گەل و سەرکوتکردنی ژنان بنیات ناوە.   

دەوڵەت – نەتەوە داگیرکەر و چەوسێنەرەکانی رۆژ ھەڵاتی ناوەڕاست، پایەی سیستەمی سەرمایەداریین. ئیلھام لەو زھنیەتە پاوانخواز و ھۆمۆژەنە وەردەگرن کە بەئاگر و ئاسن، بەچەکی کۆمەڵکوژ و قەدەغە کراو، ھێرشدەکەنە سەرگەلی کورد و بزوتنەوە ئازادییخوازەکەی.

نەھامەتییە کانی شەڕ و کۆچبەریی، ھەژاریی و بێکاریی،  لە کوردستان و گشتیی ناوچەکە  دیاریی ئەو زھنیەتە داگیرکەر ئەو سیستەمە پاوانخوازەیە.

لە کاتێکدا  پێشوازیی لەو رۆژە واتادارەی  کرێکاران و رەنجدەرانی ئازادییخواز   دەکەین، گەلی کورد و بزوتنەوە ئازادیی بەخشەکەی، لەبەرامبەر ئەو سیستەم و  زھنیەتە پێشەنگایەتیی تێکۆشانێکی ھەمەلایەنە دەکات،  لەئاستی فیکریی و سیستەم و بەرگریی رەوادا،  لەبەر خۆدانییەکی مەزن و مێژووییدا، جێگەی گرتووە بۆ  پارێزگاریی لە  ماف و ئازادییەکان و بەھاکانی کۆمەڵگە و  جیھانێکی باشتر و  ژیاننێکی ئازاد، ئەمەیش بۆ گەلی کورد و تەواوی گەلانی بندەست. هەر بۆیە یەکی ئایار بۆ ئێمەی کورد واتای تێکۆشان و  باوەڕبوونە بەسەرکەوتن.

با لەیەکی ئایاردا، گۆڕەپانی تێکۆشان گەورەتر و بەجۆشتر بکەین، لە دژی نادادیی و پیاوسالاریی و  ھەڵاواردنی رەگەزیی  وھەژاری و بێکاریی کە سیما و تایبەتمەندیی دەوڵەتانی داگیرکەر و فاشیزمن.

بژی یەکی ئایار رۆژی خەبات و تێکۆشانی ھاو بەشی کرێکاران و چەوساوەکانی جیھان.

تەڤگەری ئازادیی کۆمەڵگەی کوردستان – دەستەی بەڕێوەبەرایەتیی 

١ی ئایار ٢٠٢٤

هەروەها چێکی بکە

كاروبارە تەندروستییەكانی هەرێمی کورستان بووە بە بازرگانیی

ئەبوبەكر مەجید سیستەمی تەندروستیی بابەتێکی گرنگە بۆ مرۆڤ، بە درێژایی مێژوو مرۆڤ لە گەڕاندابووە بۆ …