بەهێز و ئیرادەی یەکگرتوومان داگیرکاری دەشکێنین
وەک ئاگادارن ڕژێمی داگیرکەری تورکیا لە دوێنێوە، سەعات هەشتی شەو هێرشێکی بەرفراوانی بۆ سەر ناوچەی مەتینای هەڕێمەکانی پاراستنی مێدیا دەستپێکرد. ئەم هێڕشە و لەشکرکێشیەیی دەوڵەتی تورکیا ئەگەر چی چاوەڕوانکراوبوو، چونکە هەموو تاکێکی گەلی کورد و ئازادییخواز دەبێ ئەو ڕاستییە بزانێت کە حکومەتی شەڕی ئەکەپە – مەهەپە دەرگیری قەیرانێکی گەورە بووە، دەربازبوون لەو قەیران و تەنگەژە ئابووریی و سیاسیی و کۆمەڵایەتییە، دەخوازن بە شەڕ و ئۆپەراسیۆن و هزری فاشیەت وەڵام بدەنەوە.
هەر بۆ ئەم مەبەستەش ئەوەی پەنای بۆدەبەن شەڕ و هێرشکردنە بۆ سەر تەڤگەری ئازادیی و بەرخۆدەری کوردستان. هەر بۆیە ئێمە وەک تەڤگەری ئازادیی کۆمەڵگەی کوردستان لەدەرەوەی وڵات، بە توندی هێڕشەکانی حکومەتی فاشی تورکیای داگیرکەر شەرمەزار دەکەین. لە هەمان کاتدا داوادەکەین لە هەموو مرۆڤێکی کورد و کورستان و دۆستانمان، لەم ڕۆژگارە هەستیارەدا بێدەنگ نەبن و لە دژی ئەو هێڕشە هۆڤانەیەی تورکیا هەڵوێست وەرگرن.
لەهەمان کات لەدەرەوەی وڵات داوا لە هەموو هێزە نیشتمانیی و نەتەوەییەکان دەکەین، کە پێکەوە یەکگرتوانە بەهێزێکی بەتین و کاریگەر بکەوینە ناو هەڵوێستی جدیی و بەڕۆحی تێکشکاندنی دوژمنی داگیرکەر سەفەربین و چیمان لەتوانادابێت لەکاری مەیدانیی و دبلۆماسیی درێخیی نەکەین.
یەکێتیی ڕیزەکانی گەلی کورد و هەموو پارت و ڕێکخراوە ئازادییخواز و مەدەنیی و پیشەییەکان، هەمیشە بەردی بناغەی سەرکەوتنمان بوون، ئێستاش لە هەموو ڕۆژێک زیاتر پێویستە لەسەرمان بەو هاودەنگیی و یەکڕیزییە هەیە.
بژی یەکێتیی و یەکڕیزیی دژی داگیرکاریی، بڕووخێ ڕژێمی داگیرکەری تورکیا، بژی بەرخۆدانی تەڤگەری ئازادیی کوردستان
تەڤگەری ئازادیی کۆمەڵگەی کوردستان/ دەرەوەی وڵات