ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
ئەمڕۆ جارێکی دیکە خۆپیشاندانی مامۆستایان و فەرمانبەران دەستی پێکردەوە، جەختیان لەبەردەوامیی بایکۆتی هۆڵەکانی خوێندن کردەوە، هاوسەرۆکی تەڤگەری ئازادیی و ئەندامانی دەستەی بەڕێوبەریی تەڤگەر بەشداریی خۆپیشاندانەکەیان کرد و پشتیوانی خۆیان بۆ مامۆستایان دەربڕی.
ئەمڕۆ یەک یەک شەممە – سلێمانیی، مامۆستایان و فەرمانبەران لەبەردەم پەروەردەی رۆژئاوای شاری سلێمانیی هەتا بەردەم بینای پارێزگای سلێمانیی بە خۆپیشاندان بەردەوام بوون، لە خۆپیشاندانەکەدا مامۆستایان و فەرمانبەران جەختیان لە بەردەوامی بایکۆت کردەوە، هاوکات لە خۆپیشاندانەکەدا تارا حسێن هاوسەرۆکی تەڤگەری ئازادیی کۆمەڵگەی کوردستان، ئەندامانی دەستەی بەڕێوەبەریی تەڤگەری ئازادیی و ئەندامانی تەڤگەر بەشداریی خۆپیشاندانەکەیان کرد و پشتیوانیی و هەڵوێستی خۆپیان بۆ مامۆستایان و فەرمانبەران دووپاتکردەوە.
