ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
لە ئەنجامی تەقەی هێزەچەکدارەکانی دەوڵەتی ئێران، لە ماوەی چوار رۆژدا لە سنووری شاری بانەی رۆژهەڵاتی کوردستان نزیکەی ٢٠ کۆڵبەر برینداربوون.
ماڵپەری کۆڵبەرنیوز بڵاویکردەوە، رۆژی یەکشەممە دوو کۆڵبەری خەڵکی شارەکانی سەقز و مەریوان لە سنووری هەنگەژاڵی بانە بە تەقەی هێزەکانی دەوڵەت بریندارکراون.
رۆژی شەممەش لە هەمان خاڵی سنووری بەتەقەی راستەوخۆی هێزەکانی دەوڵەت ٧ کۆڵبەر برینداربوون، کە لانیکەم باری تەندروستیی یەکێکیان ناجێگیرە.
لەنێوان ٩ بۆ ١١ ی تشرینی دووەم/ نۆڤەمبر لە خاڵی سنووری هەنگەژاڵ هێزەکانی دەوڵەتی ئێران چەندین جار کۆڵبەرانیان کردە ئامانج و بەهۆیەوە ١١ کۆڵبەر برینداربوون.
بە گوێرەی ئەو ئامارانە لە نێوان مانگەکانی ئادار و ئەیلول دا ١٣ کۆڵبەر لەناوچە سنووریەکانی رۆژهەڵاتی کوردستان کوژراون و ٧٢ کۆڵبەریش برینداربوون، کە زۆرینەیان بە تەقەی راستەوخۆ هێزەکانی دەوڵەتی ئێران کرابوونە ئامانج
