ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
ئەکادیمیستێکی میسریی باس لەوەدەکات فیکری رێبەر ئۆجالان کاریگەریی لەسەر هەموو ژنانی جیهان دروستکردووە و ڕایگەیاند، پارادایمەکەی کە لەسەر بنەمای ئازادیی ژن و ئیکۆلۆژیی و دیموکراتی دامەزراوە و کلیلی یەکسانییە.
ئەکادیمیست و شارەزای زانستی سیاسیی فەرناز عەتییە لە میسرەوە ئامانجەکانی پیلانگێڕیی و گۆشەگیریی و ڕۆڵی ئۆجالان لە ڕۆژهەڵاتی ناوەڕاست ئەخاتەڕوو.
عەتییە ئاماژەی بەوەشکرد، ئەو گۆشەگیرییەی کە لەگەڵ پیلانگێڕیی نێودەوڵەتیی بەردەوامە، هەوڵێکە بۆ سەقانگیر نەبوونی پرسی کورد و درێژەدان بە فشارەکانی ڕۆژهەڵاتی ناوەڕاست.
‘ئامانج بڵاوکردنەوەی شەڕ و درێژەدانە بە فشارەکان‘
ئاماژەی بەوەشکرد، لەو کاتەدا زۆرێک لە وڵاتانی جیهان پشتیوانیی ئۆجالانیان نەدەکرد و وڵاتانی عەرەبییش بێدەنگ بوون و وتی: گۆشەگیریی کردەوەیەکی دژ بە مرۆڤایەتییە، لەو ڕووەوە تورکیا پابەند نەبووە بە ڕێککەوتنە نێودەوڵەتییەکان. ئەوان لە ڕۆژهەڵاتی ناوەڕاست و جیهانی عەرەبیی ئامانجی سیاسیی و ئابوورییان هەیە و بە بڵاوکردنەوەی تائیفەگەریی و ململانێ لەنێو خەڵکی ناوچەکەدا، دەیانەوێت بەردەوام بن لە فشار و دوژمنایەتیی لەنێو خەڵکی ناوچەکەدا.”
عەتییە ئاماژەی بەوەشکرد، گۆشەگیرکردنی ئۆجالان هەوڵێکە بۆ سەقامگیر نەبوونی پرسی کورد و درێژەدان بە فشارەکان لە ڕۆژهەڵاتی ناوەڕاست، دەڵێت: “هەربۆیە فیکری ئۆجالان و پڕۆژەکەی بەگوێرەی دەوڵاتانی سەرمایەداریی ڕۆژئاوا نییە، لە ناوچەکەشدا یارمەتیان لەم وڵاتانە دەوێت، بۆیە ڕفاندنی ئۆجالان و دەستگیرکردنی بە تەواوی پرسێکی سیاسییە و بە ڕوونیی دژی ڕێککەوتنە نێودەوڵەتییەکانی مافی مرۆڤە“.
“ئازادیی ژن هێمای ئازادیی کۆمەڵگایە“
ئەوەشی وت، بەهۆی وڵاتانی سەرمایەدارییەوە پێشێلکارییەکانی مافی مرۆڤ زۆر بوون، هەروەها پرسەکانی قەیرانی کەشوهەوا و نایەکسانیی لە وڵاتانی ڕۆژهەڵاتی ناوەڕاست و ڕۆژئاوا قووڵتر کردووەتەوە و جەختیکردەوە:” پارادایمی ئازادیی ژن و ئیکۆلۆژیی و دیموکراسیی لەلایەن ئۆجالانەوە کلیلی یەکسانییە.“
‘بە بییرکردنەوەکانی کاریگەریی لەسەر هەموو ژنان دروستکرد”
ئەو ئەکادیمیستە، ئاماژەی بەوەدا کە ئۆجالان تەلارسازێکی ڕاستەقینەی مۆدێلەکەی ڕۆژاڤای کوردستانە و باسی لە گۆشەگیریی کرد وتی: رێبەر عەبدوڵڵا ئۆجالان بە فیکری خۆی کاریگەریی لەسەر هەموو ژنانی جیهان دروستکردووە و سەرنجی بۆ ئەو فەلسەفەیە ڕاکێشاوە کە بە دروشمی “ژن، ژیان، ئازادیی” بڵاوبووەتەوە.
عەتییە لەوەشدوا، دەستپێشخەریی جیاواز بۆ ئازادیی عەبدوڵڵا ئۆجالان لە زۆرێک لە وڵاتانی عەرەبیی بەتایبەتی میسر کراون و پێویستە کورد هێزەکانی خۆی بۆ ئازادیی ئۆجالان یەکبخات.
ئەو ئەکادیمیستە میسرییە ئەوەشی راگەیاند: “کورد دەبێت هێزەکانی یەکبخات، دەرفەت بخوڵقێنن سەرانسەری جیهاندا بەکاریان بهێنن بۆ ڕاگەیاندنی پرسی کورد و ئەو گۆشەگیرییەی کە لەسەر فیکرەکانی ئۆجالان هەیە. لە بەرامبەر تەماحی زلهێزەکانی ڕۆژئاوا بۆ خاک و سامانی ڕۆژهەڵاتی ناوەڕاست و پلانی فراوانکردنی زلهێزە ناوچەییەکانی وەک تورکیا و ئێران، هەر بۆ ئەمەش دەبێ هەوڵەکانیان لەگەڵ عەرەب یەکبخەن.
