ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
ھێزەکانی سەر بە دەوڵەتی ئێران تەقەی ڕاستەوخۆیان لەکۆڵبەران کرد، بەوهۆیەوە لە ناوچە سنوورییەکانی ھەورامان و بانە لە ڕۆژھەڵاتی کورستان سێ کۆڵبەر بریندار بوون.
کۆڵبەر نیوز بڵاویکردوە، شەوی ڕابردوو ھێزەکانی سەر بە دەوڵەتی ئێران لە ناوچەی سنووری ‘تەتە’ی ھەورامان، لە ڕۆژھەڵاتی کوردستان، تەقەیان لە کۆڵبەران کردوە و لە ئەنجامدا دوو کۆڵبەر بە ناوەکانی ‘سەباح. م’ تەمەن ٣٤ ساڵ خەڵکی گوندی ھەڵوژانی مەریوان و ‘کەنعان تەباسیدە’ تەمەن ٢٨ ساڵ، خەڵکی مەریوان، بریندار بوون.
لە لایەکەی دیکەوە ڕۆژی ٢٠ ئەیلول، لە ناوچەی سنووری ‘کێلە’ی بانە، کۆڵبەرێک بەناوی ‘فەرید’ بەھۆی تەقەی ڕاستەوخۆی ھێزەکانی سوپای پاسداران بە سەختی بریندار بووە و بە مەبەستی چارەسەر گواستراوەتەوە بۆ نەخۆشخانە.
