ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
سەرکردەیەکی چوارچێوەی هەماهەنگیی، داوای کرد مەلەفی بەعسییەکانی ئوردن بکرێتەو، بە مەبەستی رێگرییکردن لە پیلانگێڕییەکان دژی عێراق.
ئەمڕۆ شەممە، جەبار عودە سەرکردەی چوارچێوەی هەماهەنگیی بە مەعلومەی راگەیاند ” حیزبی بەعسی تاوانکار، یەکەم هەڕەشەیە بۆ سەر پرۆسەی سیاسیی لە وڵاتدا، ئەمە جگە لەوەی هەڕەشەی ڕاستەوخۆی ئەمنیی هەیە، بەتایبەتیی دوای ئەوەی سەلمێندرا کە ئەندامەکانی دەستیان لە کردەوەی تیرۆریستییدا هەبووە لە ڕشتنی خوێنی خەڵکی بێتاواندا”.
ئاماژەی بەوەشکرد، “بوونی هەزاران بەعسی لە ئوردن، لەنێویاندا سەرکردە دیارەکان، داوای سەرلەنوێ پێداچونەوەی ئەم مەلەفە و دووبارە کردنەوەی دەکات، چونکە ڕاستەوخۆ نوێنەرایەتیی سێ مەترسیی دەکات بۆ سەر ئاسایشی عێراق، دیارترینیان بیرۆکەی ستراتیژی تێکدەرانەیە بۆ تێکدانی سەقامگیریی، ئاسایش و سەقامگیریی، جگە لەوەی ئامرازێکە لە دەستی هەواڵگریی رۆژئاوادا”.
ئەوەشی خستەڕوو، “ئەبێت ئاگاداری بوونی بەعسییەکان بین لە وڵاتێکی عەرەبیی دراوسێدا، مامەڵەکردنیشمان لەگەڵیدا بەپێی ئەو مەترسییە ئەبێت کە دروستی ئەکات، پێمان سەیرە کە ئایا عومان بوونی لایەنە دوژمنکارەکان لە بەغداد قبوڵ دەکات یان نا”.
وڵاتی ئوردن، ساڵانێکە گرنگترین سەرکردەکانی حیزبی بەعس لەخۆدەگرێت و لەم دواییانەشدا مۆڵەتی کاری سیاسیی لە عەممان پێداوە.
