باڵیۆزی فەڵەستین لەگەڵ نوێنەری تەڤگەری ئازادیی باسیان لە پرسی کورد کرد

د. ئەحمەد عەقل، باڵیۆزی فەڵەستین لە بەغداد، لە بارەگای ئەنجومەنی عێراقیی بۆ ئاشتیی و هاریکاریی، سیمینارێکی پێشکەشکرد و ئاماژەی بە پرسی مێژوویی و سیاسیی فەڵەستین کرد و لە گەڵ نوێنەری تەڤگەری ئازادیی باسی ئەو کێشانەیان کرد کە لە نێوان پرسی کورد و فەڵەستیندا هاوبەشن.

ئەمڕۆ شەممە ٢٠٢٣/٥/٦ لە بارەگای ئەنجومەنی عێراقیی بۆ ئاشتیی و هاریکاریی لە شاری بەغداد، حسێن کەرکوکیی نوێنەری تەڤگەری ئازادیی کۆمەڵگەی کوردستان لە شارەکە، کە بەشداریی سیمینارەکە بوو بە ماڵپەڕی تەڤگەری راگەیاند: نزیک بوونێکی مێژوویی و سیاسیی لە نێوان پرسی فەڵەستین و کورددا هەیە.

ئاماژەی بەوەشکرد، هەردوولا هاوڕا بوون لەوەدا کە لە پرسی گەلی فەڵەستین و کورددا، بێجگە لە هۆکاری هەرێمیی و نێودەڵەتیی، ئەوەی کێشەی سەرەکییە هۆکاری ناوخۆیی هەیە و لایەنە کوردیی و فەڵستینییەکان پەرتەوازە کردوە؛ ئەمەیش وایکردوە دەستی هەرێمیی و نێودەڵەتیی بۆ نێو پرسەکە بڕوا و نەتواندرێت بڕیار لەسەر پرسەکەی خۆیان بدەن.

ئاماژەی بەوەشکرد، د.ئەحمەد عەقل پێشنیازی ئەوەی کردوە پێویستە هەردوولایەنی کوردیی و فەڵەستینیی هەوڵبدەن دانوساندن لە نێوان خۆیاندا بکەن، هەتا بۆئەوەی خۆیان بتوان بڕیار لە چارەنووسی خۆیان بدەن، لە دەرەوەی دەوڵەتانی هەرێمیی.

حسێن کەرکوکیی، وتیشی: باڵیۆزی فەڵەستین ئەوەشی خستوەتەڕوو ئەگەر هەردوو گەلی فەڵەستین و کورد لە ناوخۆدا خاوەن پرۆژەبن ئەوا لایەنی دەرەوەش ناچارن گوێیان لێبگرن.

هەروەها چێکی بکە

ئەردۆغان نەیتوانی بە مەرامە سیاسییەکانی خۆی بگات

چرۆ شوانیی باسلەوەکات ئەنجامی بەرپەرچدانەوەیەی هاوڵاتیان بۆ سەردانەکەی ئەردۆغان بۆ عێراق، دەگەڕێتەوە بۆ داگیرکاریی دەوڵەتی …