تەڤگەری ئازادیی: کۆنفرانسی ئەنجومەنی هەرێمی گەرمیان بەڕێوەچوو 

 

 

بە بەشداریی ١٥٠ ئەندام، و لە سەر بنەمای پەروەردە و ڕێکخستن، کۆمەڵگایەکی یەکسان بونیاتدەنێین”  تەڤگەری ئازادیی کۆمەڵگەی کوردستان لە گەرمیان، سێیەمین کۆنفرانسی خۆی ئەنجامدا و تێیدا ١٨ ئەندامی نوێ بۆ ئەنجومەن هەڵبژێردران و هەریەک لە هەرێم مەحمود و شەیما عەدنان وەک هاوسەرۆک هەڵبژێردران.

لە سەرەتادا هاوڕێ جەبار، هاوسەرۆکی پێشووی ئەنجومەنی هەرێمی گەرمیان وتاری کۆمیتەی ئامادەکاری کۆنفرانسەکەی پێشکەشکرد و وتی: بەهۆی قەیرانە دەستکردەکانی ئابووری، سیاسیی و سەربازییەوە دۆخێکی دژوار و ناهەموار بەرۆکی ناوچەکەی گرتووە، هەربۆیە ئێمەش بەگرنگمان زانی لەم کاتەدا خۆمان کۆبکەینەوە و خۆمان نوێ بکەینەوە، ئەم کۆنفرانسە لە تەواوی خانەوادەی شەهیدان پیرۆزدەکەین.

محەمەد عەبدوڵا، هاوسەرۆکی گشتی تەڤگەری ئازادیی وتاری کردنەوەی کۆنفرانسی پێشکەشکردوو پیرۆزبایی ئەنجامدانی کۆنفرانسی لەهەموو خەڵکی گەرمیان و خانەوادەی شەهیدان کرد و ڕاشیگەیاند: سیستمێک ئێستا حاکمە کە کۆمەڵگا بەرەو لێواری مردن دەبات، ئێمەش بەشێکین لەو تێکۆشانەی کە دەبینە جێگرەوەی ئەو سیستمە، لە پێناو ئاشتی و پێکەوەژیان و دیموکراسی، ئەمەش وایکردووە کە تەڤگەری ئازادیی دەکرێتە ئامانج و لێی دەدرێت، ئەمە کاردانەوەیە بەرامبەر سیستمی کۆنفیدراڵیزمی دیموکراسی و ئیرادەی ئازادی کورد.

ئەوەشی ڕاگەیاند: ئێستا شەڕێکمان لەبەردەمدایە شەڕی مان و نەمانە و شەڕی ئازادییە ئێمەش بەشێکین لەوتێکۆشانە، نابێت دەستەوسان بین، بنیاتنانەوەی کۆمەڵگە بە بونیاتنانەوەی تاک دەبێت، بونیاتنانی تاکیش بە ئیرادەیەکی ئازاد و فکرێکی دیموکراسی دەبێت.

هەروەها لەلایەن شەیما عەدنان، دیوانی کۆنفرانسەکەوە ڕاپۆرتی دۆخی سیاسیی خوێندرایەوە و تێیدا هاتبوو: لە ئێستادا تەعریبی نوێ لە گەرمیان بەڕێوەدەچێت، ئەم سیاسەتە لە سەردەمی بەعسەوە بە تەرحیل و تەبعیس و تەعریب دەستیپێکرد و تا ئەمڕۆش بەردەوامە، دوو هۆکاریش بوون بە هاندەری زیاتری ئەم پرۆسەیە ئەوانیش، لەلایەک ڕیفراندۆمە  شکستخواردووەکە و لەلایەکی دیکەشەوە دەمارگیریی و شەڕی مەزهەبی شیعە و سوننەیە لە عێراق.

ئەوەشی تێدا هاتبوو، هێزە بەناو ئۆپۆزسیۆنەکان زیانێکی گەورەیان لە ناڕەزایەتییەکانی خەڵک داوە و شەقامیان ناچالاک کردووە، بە پێشخستنی دیاردەی بایکۆتکردنی بێدەنگ و مانەوە لە ماڵەوە، لەبری ئەوەی چالاکی ببەنە شوێنە ستراتیژییەکانی وەک خاڵە سنوورییەکان و بیرە نەوتییەکان، ئەمەش وایکردووە دەسەڵات بێباکتربێت لەئاست ماف و داواکارییەکانی هاوڵاتییانی هەرێمی کوردستان.

دواتر لەلایەن دیوانی کۆنفرانسەوە ڕاپۆرتی ڕەوشی ڕێکخستنی و ڕەشنووسی پەیڕەوی ناوخۆ خوێندرایەوە و خرایە بەردەم ڕەخنە و پێشنیاری ئەندامانی کۆنفرانسەکە.

هەروەها لە درێژەی کۆنفرانسەکەدا، بە هەڵبژاردن ئەنجوومەنێک، کە لە ١٨ ئەندام پێکدێت هەڵبژێردران، هەریەک لە هەرێم مەحمود و شەیما عەدنان وەک هاوسەرۆکى تەڤگەری ئازادیی کۆمەڵگەی کوردستان لە هەرێمی گەرمیان هەڵبژێردران.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

    

 

هەروەها چێکی بکە

شاندێکی کەنەکە سەردانی تەڤگەری ئازادیی کرد

هاوسەرۆکی کۆنگرەی نەتەوەوەیی کوردستان، بە یاوەری شاندێکی نێودەوڵەتیی، بۆ بەدواداچوونی دۆسێیەی شەهید دەنیز سەردانی هەرێمی …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *