لە هەولێر یادی شەهید باشور کرایەوە

 

لە چوارەمیین ساڵیادی شەهید باشور سۆران دا، مەراسیمێک لە سەر گڵکۆی شەهید بەڕێوەچوو.

شاندێکی تەڤگەری ئازادیی کۆمەڵگەی کوردستان و رێكخراوی ژنانی کوردستان-رژاک بەشداریی مەراسیمی چوارەمیین ساڵیادی شەهید باشوریان لە شاری هەولێر کرد. سەرەتای مەراسیمەکە بە خولەکێک وەستان بۆ گیانی پاکی شەهیدان دەستیپێکرد، پاشان لە لایەن خوشکی هەڤاڵ باشور وتەیەک پێشکەشکرا و بەخێر هاتنی ئامادەبوانی کردو و دڵخۆشیی بنەماڵەکەی دەربڕی کە بەشێک لە هەڤاڵانی ئامادەی مەراسیمەکە بوون و وتی: شەهید باشور تەمەنی تەنها ١٧ساڵ بوو کە بەشداربوو، ئەو هەر لەو تەمەنە بچوکەیەوە هەستی بە ئازار و ناڕەحەتییەکان کردبوو، بۆیە بڕیاری بەشداربوونی دا.
دواتر وتەیەک لە لایەن هەڤاڵ بانو ئەندامی رژاک پێشکەش کراو و وتی: سەری ڕێز و نەوازش بۆ تەواوی شەهیدان دائەنەوێنین و بەتایبەت هەڤاڵ باشور کە گەنجێکی تێکۆشەر و قارەمان بوو.

ئاماژەی بەوەشکرد: هەڤاڵ باشور تەنها کوڕی بنەماڵەکەی نەبوو، بەڵکو کوڕی ئێمە و ئەم نیشتیمانە بوو، کە رووی لە رۆژئاوا کرد لەو کاتەدا بوو کە داعش هێریشی کرد سەر رۆژئاوا، هەڤاڵ باشو تاجی قارەمانێتیی کردە سەری و هەموان شانازیی پێوە دەکەین.
جەختیشکردەوە: کە شەهید باشور فیکر و فەلسەفەیەکی هەڵبژاردوە کە فکیر و فەلسەفەی مرۆڤایەتییە.

هەڤاڵ محمد هادی ناسراو بە هەڤال باشور سۆران چوار ساڵ پێش ئیستا لە ٢٥ی کانوونی دووەمی ٢٠١٨لە ڕۆژئاوای کوردستان(عەفرین) شەهید بوو.

هەروەها چێکی بکە

بۆ ڕا‎ی گشتی و سەرجەم هێز و لایەنە سیاسییەکانی هەرێمی کوردستان و عێراق

‎هەموو لایەک ئاگادارن ناوچەکەمان بە دۆخێکی ئاڵۆز و سەختدا تێ دەپەڕێت هۆکاری سەرەکیش سیاسەتی نا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *