ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
وا بڕیاربوو ئەمڕۆ٦/٩/٢٠٢١ دووشەممە، لە دادگاى هەولێرچەند دەستگیرکراوێکى بادینان جارێکی دیکە بەڕێوەدەچێت، بەڵام دیسان دانیشتنەکە دواخرا.
سەرۆکی تیمی پارێزەرانی بادینان بەشدار حەسەن لە کۆنفڕانسێکی رۆژنامەنووسیدا ئەوەی ڕاگەیاندووە: ئەمڕۆ بەهۆی ئەوەی دادگا دوو ئەندامی نوێی بۆ زیادبوو و ئاگاداری دۆسییەکە نەبوون دانیشتنەکە دواخرا.
ئاماژەی بەوەشکردووە، سبەینێ کاتێکی دیکە بۆ دانیشتنی دادگا دیاری دەکرێت تا کێشەکانیان کۆتایی پێدێت.
بەشدار حەسەن باسی لەوەشکردووە، “دەستگیرکراوەکان دۆخیان باش نییە و مامەڵەی کارمەندانی ئاسایش لەگەڵیاندا باش نییە”، دەشڵێت، پێویستە رێگەبدرێت دەستگیرکراوەکان قسە لەگەڵ کەس و کاریاندا بکەن. ئەمرۆ لە دادگا وابڕیاربوو هەریەکە لە (مەسعود شنگالی و شیروان تەها و کارگەر عەباس و بەندەوار ئەیوب) لە دادگاى هەولێر بەڕێوەدەچێت.
