ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
چارەنوسی ژنانی ئازادییخواز و رەخنەگران بەرەوكوێ
بەداخەوە هەواڵی مەرگی ژنێكی ئازا و بویێری وەكو مامۆستا جیهان تەها، هونەرمەند و شاعیرمان پێگە یشت، كە مامۆستایەكی وانەبێژ بوو داوای مافەكانی خۆی و گەنجان و مامۆستایانی ناڕازیی دەکرد، لە روداووێكی پڕ گوماناوییدا گیانی سپارد.
مامۆستا جیهان، قوربانیی ئەقڵەیەتێکی دەسەڵاتخوازە كە چیتر قبوڵی نا كەن، دەنگ و رەنگی مرۆڤی ئازاد بوونی هە بێت. ئەم جۆرە لە سیستەمی سیاسیی كە ڕەخنە قبوڵ نا كەن، كە داواكاری مافەسەرەتاییەكانی چین و توێژەكانی كۆمەڵگە، بە مەترسیی لەسەر خۆیان دەزانن، ماوە ی ٣٠ ساڵە رەنگدانەوەی هەیە. ئێستا سیاسەتەكانیان دڕندانەتر بووە بە زیندانییکردن و کوشتنی پڕی گوماناویی جێگەی گرتووەتەوە، ئەمەش دۆخێكی مەترسییدارە بۆسەر كۆمەڵگە و پێویستە چیتر كۆمەڵگە بەگشتیی و ژنان بە تایبەتیی خاوەن هەڵوێست بن بەرامبەر ئەم تاوانانە و بە شێوازێكی بەرفراوان بێنە دەنگ.
مێژوو پێمان دەڵێت، سیستەمی ستەمكاران نە یانتوانیوە تاسەر درێژە بەدەسەڵاتە كەیان بدەن، لەهەر شوێنێك ستەمكاریی هەبێ دەنگی ئازاد بوونی دەبێت. بە مەرگی مامۆستا جیهان دەنگی ئازادییخوازان و ڕەخنە گران كپ ناكرێت و پاشەكشە نا كات.
ئێمە وەكو دەستەی ژنانی تەڤگەری ئازادیی، ئەو مردنە گوماناوییە ڕسوا و شەرمە زار دەكەین و سورتر دەبین لەسەر داكۆكییكردن لە مافی چین و توێژەكانی كۆمەڵگە و دەنگمان دەخەینە پاڵ دەنگی ناڕازیی كۆمەڵگە، ڕۆحی مامۆستا جیهان شاد بێت.
دەستەی ژنانی تەڤگەری ئازادیی كۆمەڵگەی كوردستان
٢٠٢٣/١٠/٢٧
