ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
کریارێن مافیایی و ئاغایەتی ڕۆژ بۆ ڕۆژێ هەرێما باشورێ کوردستانێ بەر بخراببوونێ دبەت
پێشهات و قەیرانێن سیاسی و ئابوری و جڤاکی وپەروەردەیی و ئێمناهیێ، ب لوژیکێ ئاغایەتی و کارێ مافیایی، بڕێڤە ناچیت، پشتی شوڕەش و سەرهەلدانا خەلکێ کرێکار و هەژارێ کوردستانێ، دەرئەنجام، بوونە دەربەردبوون و ڕەڤینا خەلکێ کوردستانێ ژ وێ دەستهەلاتێ یا خەلکی ب دەستهەلاتا خۆە دزانی.
ل هەرێما کوردستانێ لسەر خوسەپاندن و مولککرانا هەمی خێرو بێرێن کوردستانێ، ژلایێ مالباتەکا عەشایر بناڤێ حکومەت و دەستهەلاتداریێ، خەلکێ ڕوشنبیرو ڕەخنەگر و وژدان ساخ هاتنە دەنگ، لێ مخابن دناڤخوییا هەرێماکوردستانێ دا، ل شوینا مالباتا حکمڕان مفای ژ ڕەخنە و پێشنیارێن ڕۆشنبیر و نڤیسکار و ڕەخنەگرێن خۆە وەرگریت و ژ لوژیکێ بنەمالەیی و عەشایری دەرباز ببیت بۆ لوژیکێ وەلاتپارێزی و نەتەوەی و خزمەتکرنا خەلکێ کوردستانێ بکەت، بێ جوداهی. پارەکێ مەزن بۆ کڕینا مافیا و رەشک و چەتەیێن بەر دەرگەها دمەزێخیت، ب سەدان رۆژنامەڤان و نڤیسکار و ڕۆشنبیر تیرورکرینە و زیندانکرینە و ئەشکەنجە داینە، بەشەکێ زور ژی ژبەر سەرەدەریا وان یا عشایری دەربەدەری وەلاتێن بیانی کرن.
ئەڤان ڕەفتارێن دویر ژ لوژیکێ سیاسی و دیموکراسی و حکمڕانیێ ژبلی لاوازکرنا پێگەهێ هەرێما کوردستانێ خرابیا شێوازێ حکمڕانیێ و ڤان کریارێن شەرمزاریێ جڤاک و حکمڕانیا کوردی بڕەنگەکێ کرێت نیشا جڤاک و دەستهەلاتێن بیانی دا. مالباتا حکمڕان نەبتنێ دناڤخویا هەرێما کوردستانێ دا، هێرش و ئەشکەنجەدان و تیرورێ دکەت، دناڤ وەلاتێن بیانی و ئەوروپی ژی بڕێکا هندەک رەشەک و چەتەیێن خۆە بزاڤا تیرور و ترساندنێ دکەت.
بزاڤێن تیرورکرنا ڕەخنەگر و چالاکڤانێن بادینان (مەکی ئامیدی) ل وەلاتێ ئەلمانیا و (قادر نادر ) ل وەلاتێ سوید و، هێرشکرن بۆ سەر چالاکڤان (ڕەنجدەر گرایی ) و (بەڕەڤان عمر) ل وەلاتێ بەلجیکا، ڕویەکێ کرێت ددەتە شێوازێ حکمڕانیا کوردی. شەرمزاریە سەرکردەکێ هەرێم توشی هەمی جورێن قەیڕانا کری، لشوینا بزاڤێن چارەسەریا قەیڕانان بزاڤێن ترساندن و ئەشکەنجەدانا خەلکێ خۆ دکەت، لبەر چاڤێن جڤاک و حکومەتێن ئەوروپی… ئەم وەکو تەڤگەرا ئازادیی داخازێ ژ خەلکێ کوردستانێ دکەین ئێک دەنگ و ئێکگرتی بن لبەرامبەر ڤان کارێن نەمروڤانە و دیر ژ شارستانیەت و شێوازێ دیموکراسیێ و بکەرا شەرمزار دکەین.
تەڤگەرا ئازادیی یا جڤاکێ کوردستانێ/ دەرڤەی وەلات
