سەکۆی دژی داگیرکاری هەڵوێستی خۆی دەربڕی

 

 

سەکۆی دژی داگیرکاری دوا لە هەموو لایەک دەکات یەک دەنگ و یەک هەڵوێست بن دژی هێرشەکانی دەولەتی تورکیا.

بەیانی ئەمڕۆ پێنج شەممە  ٢١/٧/٢٠٢٢ لە شاری سلێمانی و لەبەردەم نوسینگەی نوێنەرانی عێراق،  سەکۆی دژی داگیر کاری هەڵوێستی خۆی دەربڕی دژی هێرشەکانی دەولەتی تورکیا.  بەختیار مستەفا نوێنەری سەکۆی دژی داگیرکاری بەیاننامەیەکی خوێندەوە و کە تێدا هاتبوو: ئەم ڕژێمە هیچ پێوەرێکی ویژدانی و ئەخلاقی  و ئاینی نیە و هەرگیز گوێ بەوەنادات کە کێ دەبێتە قوربانی.

باسی لەوەشکرد: دەوڵەتی تورکیا، کوردستان و کوردی لێبۆتە مۆتەکە و دێوەزمە.  خەڵکی مەدەنی  شەهید دەکات و دار و ڕەز و باخی خەڵکی دەسوتێنێت و ئاژەڵی هاوڵتیان لە ناودەبات.

ئەوەشی ڕاگەیاند: هەموو  خەڵک دەزانێت کە لە کۆبونەوە سێ قۆڵییەکەی تورکیا و ڕووسیا و ئێران بەدەستی بەتاڵ هاتە دەروە و  خۆی بەشکست خواردوو دەبینێت. هاوکات ئەردۆغان  و حیزبەکەشی لە ناوخۆی تورکیادا لە پاشەکشیدان. ئەمە لێدوانە لە کاتیکدایە کە دوێنێ لە لایەن دەوڵەتی تورکی فاشیستەوە هاوینەهەواری گەشتیاری بەرخی لە زاخۆ بۆردومان کرد كە 20 گەشتیار بوونە قوربانی.

 

س_ع

 

 

 

 

 

 

هەروەها چێکی بکە

سەردانی بنەماڵەی شەهید عەزیز کرا

  بەهۆی بۆردوومانی فڕۆکەکانی دەوڵەتی تورکیاوە، لە چەند رۆژی رابردوودا لە شارباژێر هاوڵاتییەک شەهیدبوو و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *