ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
هێزەکانی سەربە دەوڵەتی تورکیا، لە یەکەم رۆژەکانی ساڵی ٢٠٢٤دا ٢١ هاووڵاتیی مەدەنییان لە کانتۆنی عەفرینی داگیرکراو رفاندوە.
بەگوێرەی ئاماری ناوەندی بەڵگەنامە و پێشلکارییەکان، ئەو هێزانەی هێرشیان کردووەتە سەر ماڵی هاووڵاتییان و دەرگای ماڵەکانیان شکاندووە و دزییان کردووە و هاووڵاتییانیان ڕفاندووە.
ناوەندەکە ئاماژەی بەوەشکردوە، لە کانتۆنی عەفرینی داگیرکراو ساڵی ٢٠٢٣دا لەلایەن هێزە بەکرێگیراوە تیرۆریستییەکانی سەربە دەولەتی تورکیا ٤٦١ هاووڵاتییان رفێندراوە. لەو ژمارەیە ٢٤ منداڵی خوار تەمەنی ١٨ ساڵ و ٣٩ ژن و ١٩١ کەسی نەخۆش هەبوون، هەروەها تەندروستیی ١٤٣ کەسیشیان خراپە و پێویستیان بە دەستێوەردان و چارەسەری بەپەلە هەیە.
