ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
ڕاگەیاندنی تەڤگەری ئازادیی، سەبارەت بە هێرشەکەی فڕۆکەی تورکیا بۆسەر ئۆتۆمبێلێکی مەدەنی لە نزیک شاری ڕانیە
سەبارەت بە هێرشەکەی فڕۆکەی تورکیا بۆسەر ئۆتۆمبێلێکی مەدەنی لە نزیک شاری ڕانیە ، وەک ئاشکرایە دەوڵەتی فاشیستی تورکیا وەک پیشەی هەمیشەیی هێرش و پەلامارەکانیان بۆسەر هاووڵاتییانی مەدەنی لە باشووری کوردستان چڕ کردووەتەوە بەمەبەستی تۆقاندن و ترساندن و تێکدانی ئاسایشی گشتی هاووڵاتییان، هێرشەکەی دوێنێ ڕۆژی دووشەممە ٨/١ کاتژمێر ١١ی بەیانی کەلەلایەن فڕۆکەی درۆنی تورکی لەڕێگەی چوارقوڕنە ڕانیە ئەنجام درا بەتەواوی ئامانجێکی مەدەنییە و ئەو دوو هاووڵاتییەش کە تێیدا بوون هاووڵاتی مەدەنیین و خاون ئۆتۆمبێلەکە کاسبکارە و ئەوی تریشیان هاووڵاتییەکی ئاسایی ڕۆژئاوای کوردستانە ئەو هێرشە ڕۆژی دووشەممە هاوکاتە لەگەڵ حەوتەمین ساڵڕۆژی کۆمەڵکوژی گوندی زارگەڵی کە هەشت هاووڵاتی مەدەنی تێدا شەهید بوون، لە ئێستادا تورکیا لەئاستی نێودەوڵەتی و عێراقی ڕووبەڕووی ناڕەزایەتی توند بووەتەوە بەتایبەت دوای کۆمەڵکوژییەکەی گوندی پەرخی لە زاخۆ. بۆیە داوا لە ڕای گشتی و خەڵکی بە هەڵوێستی دەڤەری ڕاپەڕین و ئیدارەی ناو چەکە دەکەین خاوەن هەڵوێست بن و بێدەنگ نەبن لەبەرامبەر بەئامانجگرتنی هاووڵاتییانی مەدەنی، پێویستیشە سنوورێک بۆ ئەو چەواشە کاریانە دابنرێت کە ئامانجیان تێکدانی ئارامی ناوچەکەیە بەتایبەت کەناڵی ڕووداو ئەو ڕاپۆرتەی لەو بارەوە بڵاوی کردەوە دوورە لە ڕاستی و بۆ تێکدانی ئاسایشی هاووڵاتییان و ناوچەکەمانە بۆیە پێویستە داوای لێبوردن لە بریندارەکان و خەڵکی دەڤەرە کە بکات بەرامبەر بەو ڕاپۆرتە چەواشەکاری و دوور لە ڕاستیی بڵاوی کردەوە، خەڵکی ڕاپەڕین شانازە بەوەی بەردەوام خاوەن هەڵوێستی نەتەوەیی و نیشتمانی بووە لەدژی داگیرکەران و خۆفرۆشان و هەرواش دەمێنێتەوە.
ڕیسوای بۆ داگیرکەران و هاوکارە خۆفرۆشەکانیان
تەڤگەری ئازادیی کۆمەڵگەی کوردستان
ئەنجوومەنی هەرێمی ڕاپەڕین
02/08/2022
