دوای٥٧رۆژ هێشتا بکوژانی یاسین بولوت(شوکری سەرحەد) دەستگیرنەکراون.
ئەمرۆ هەینی١٢/١١/٢٠٢١ لە شاری سلێمانی و لە گەرەکی چوارچرا لە شوێنی شەهید بوونی شەهید شوکری سەرحەد هەڤاڵان و دۆستانی گردبوونەوە.
لەپەیامێکیاندا لە شوێنی گردبوونەوەکە ڕایانگەیاند: ٥٧ رۆژ بەسەر شەهیدکردنی هەڤاڵ شوکریدا تێدەپەرێت، بەڵام هەتا ئێستا ڕوونکردنەوەیەک لە لایەن دەسگا ئەمنییەکانەوە بڵاونەکراونەتەوە و بکوژانی دەستگییرنەکراون.
وتیشییان: لێرەوە پرسیار لە بەرپرسانی هەرێمی کوردستان و تایبەت دەسگا ئەمنییەکان و ویژدانی خەلکی ڕۆشنبییرو و کورد پەروەرەکان و شۆڕشگێڕانی سلێمانی دەکەین، کوا بکوژانی شەهید شوکری و لەکوێن، بۆ بەڵگەکان بۆڕای گشتی ئاشکرا ناکرێن. بۆچی خەڵک بێدەنگە بەرامبەر ئەم چەواشەکاریانە.
ئەوەش هاتبوو: ئێمە وەک وەفاداری بۆ خوێنی شەهیدان و کۆتایی هێنانن بەدەستی خیانتکاران و خۆفرۆشان، سەرەڕای کەمتەرخەمی بەرپرسانی هەرێم، هەموو هەینیەک لە جێگای شەهیدبوونی هەڤاڵ شوکری بە پێداگری و ئەنجامی چالاکی هەفتانە بەردەوام دەبین و تا بکوژانی بەسزادەگەیەنرێن.
س.ع
وینەی چالاکییەکە.